Gürcüstan müdafiə nazirinin istefası qəbul edildi- YENİLƏNİB


Gürcüstanın baş naziri Georgi Kvirikaşvili müdafiə naziri Tinatin Xidaşeli və barışıq və vətəndaş bərabərliyi üzrə dövlət naziri Paata Zakareişvilinin istefa tələblərini qəbul edib.

Bu barədə RİA Novosti xəbər yayıb.

Hökumət aparatından bildiriblər ki, nazirlər vəzifələrinə dair yeni namizədlər yaxın vaxtlarda məlum olacaq.

* * *22:14

Gürcüstanın müdafiə naziri xanım Tinatin Xidaşeli özünün istəyi ilə tutduğu vəzifədən uzaqlaşması barədə ölkənin baş nazirinə müraciət ünvanlayıb.

O, müraciətində avqustun 1-dən etibarən vəsifəsindən azad olunmasını xahiş edib. Bu barədə Müdafiə Nazirliyinin KİV-lə Əlaqələr Xidmətinin rəhbəri Tamuna Kaçitadze məlumat verib. Hökumət başçısının müraciətə münasibəti barədə hələlik informasiya verilmir.

Tinatin Xidaşeli bir müddət əvvələ qədər hakim “Gürcü arzusu” koalisiyasının tərkibində olan Respublikaçılar Partiyasının üzvüdür. Onun nazir vəzifəsindən uzaqlaşacağı halda fəaliyyət istiqamətinin nədən ibarət olacağı, payızda keçiriləcək parlament seçkilərində namizəd qismində iştirak edib-etməyəcəyi məlum deyil.

Tinatin Xidaşelinin vəzifəsindən kənarlaşdırlacağı ilə bağlı fikirlər ötən ayın sonlarında xanım nazirin ölkədə məcburi hərbi xidmətin ləğv olunması ilə bağlı sərəncam imzalamasından sonra meydana gəlmişdi. T.Xidaşelinin hökumət, parlament və prezidentlə məsləhətləşmələr aparmadan belə bir qərar verməsi ölkə rəhbərliyinin narazılığı ilə qarşılanmışdı.

Xatırladaq ki, Gürcüstan tarixində ilk xanım müdafiə naziri olan Tinatin Xidaşeli 2015-ci il mayın 1-də prezident Giorgi Marqvelaşvili tərəfindən bu vəzifəyə təyin edilib.(“Report”)



AFN.az
Redaksiyamızla əlaqə: tel; 070 372 99 90, E-mail:office@afn.az



menyu
menyu