Təfəkkür Universitetinindən sonra hansı özəl təhsil müəssisəsi bağlanacaq?




Azərbaycan müstəqillik əldə etdikdən sonra təhsilimizə yeni özəl universitetlər daxil olmağa başladı. Onların gənclərimizin başına açdığı oyunlar hələ çətin ki, uzun müddət unudulsun. Son belə ağır zərbəni Azərbaycan Beynəlxalq Universiteti vurmuşdu. Ondan sonra insanların özəl ali təhsil müəssisələrinə inamı azalmışdı. Daha sonra bağlanan digər universitetlərin tələbələri başqa özəl universitetlərə köçürüldü. Bu siyahıya Təfəkkür Universiteti də daxil oldu.

Təhsil üzrə ekspert Kamran Əsədov bildirib ki, Təfəkkür Universitetinin bağlanması gözlənilən idi. Onun sözlərinə görə, 2016-ci il Ali məktəblərə qəbul imtahanlarından sonra plan yerlərinə yetərincə abituriyent tolapya bilməyən universitetin bağlanacağı qaçılmaz idi.

“Təsəvvür edin ki, Odlar Yurdu Universitetini 2016-cı ildə elan etdiyi plan yerinin cəmi 11 faizinə tələbə qəbulu apara bildi. 89 faiz yer boş qaldı. Bu o deməkdir ki, həmən ali təhsil müəssisəsinin gəliri rəsmi olaraq tələbələrin təhsil haqqı olduğuna görə, onlar bundan məhrum olacaq. Digər Təfəkkür Universitetinin aqibətini gözləyən universitet Koperasiya Universitetidir. Apardığım sorğulardan da məlum oldu ki, tələbələrin böyük əksəriyyətinin Odlar Yurdu Universiteti, Təfəkkür Universitetinin və Koperasiya Universitetinin smestr imtahanlarından böyük narazılığı var. Demək olar ki, bu ali təhsil müəssisələrində tələbələrin öz savadları ilə imtahandan müsbət qiymətlər alması mümkün deyil”, - deyə K. Əsədov bildirib.

Ekspertin sözlərinə görə, hazırda özəl universitetlərin hələ də işləməsinin səbəbi xarici ölkələrdən tələblərin böyük hissəsinin bu universitetlərə köçürməsi idi. İndi bu qaydanın qadağan olması özəl universitetlərinin bağlanmasına səbəb olacaq: “Bu ildən etibarən Azərbaycan ərazisində tələbə köçürülməsi vahid qaydada Təhsil Nazirliyi tərəfindən həyata keçiriləcək. Buna görə də, özəl universitetlər xarici təhsil müəssisələrindən edilən köçürmələrdən gələn gəlirdən də məhrum oldular. Dünyada ali təhsil müəssisələrinin gəlirinin böyük hissəsini onların ixtiraları təşkil edirsə, bizdə ancaq tələbənin təhsil haqqı təşkil edir”.

K. Əsədovun fikrincə, özəl universitetlərin bir neçəsinin bağlanması təhsilimizə abcaq müxbət təsir göstərəcək: “Hazırda Azərbaycanda 54 ali təhsil müəssisəsi fəaliyyət göstərir. Hesab edirəm ki, hələ bir neçə universitetin bağlanması o qədər də böyük təsir göstərməyəcək. Bu digər universitetlərin rəqabət qabiliyyətinin artırılmasına xidmət edəcək. Bilirsiz, özəl ali təhsil müəssisələrinin böyük əksəriyyəti ailə üzvlərinin idarə etdiyi qəbiləni xatırladır. Rektorundan tutmuş qapıçısına qədər hamısı qohumdur. Əlbəttə ki, belə mühitdə təhsil inkişaf edə bilməz”.

K. Əsədov deyir ki, özəl universitet bağlanan zaman qarşıya çıxan problem burada təhsil alan tələbələrin köçürülməsidir: “Hansısa ali təhsil müəssisəsi bağlanan zaman qarşıya çıxan ilk problem orda təhsil alan tələbələrin aqibətidir. Bu universitetin bağlanması Azərbaycanda nə ilkdir, belə görünür ki, nədə sondur. Bundan əvvəl oxşar hadisələr baş verəndə özəl ali təhsil müəssisələrinin tələbələri elə digər özəl universitetlər arasında bölüşdürülürdü. Mən düşünürəm ki, bağlanmış Təfəkkür Universitetinin tələbələri Bakı Biznes Universitetinin, Odlar Yurdu Universitetinin, Koperasiya Universitetinin aralarında bölüşdürüləcək. Burada başqa bir problem çıxacaq, oda təhsil haqları və keçilən fənlər məsələsində. Hesab edirəm ki, bu məsələdə tələbələrə güzəştlər tətbiq olunacaq”.



AFN.az
Redaksiyamızla əlaqə: tel; 070 372 99 90, E-mail:office@afn.az



menyu
menyu