İtkin düşmüş neftçi Sumqayıtda dəfn oldu- VİDEO
Həyata keçirilən axtarış-xilasetmə əməliyyatları nəticəsində fevralın 17-də, saat 17.20 radələrində dənizin "Pirsaat" burnu hissəsində sahildən 1 mil aralı məsafədə meyit tapılıb.
Meyitin "Azneft" İB-nin N.Nərimanov adına Neft-Qazçıxarma İdarəsinin 1 saylı neft qaz çıxartma sahəsinin əmtəə operatoru vəzifəsində çalışmış Sumqayıt şəhər sakini 1957-ci il təvəllüdlü Qurbanov Vidadi Cümşüd oğlu olduğu rəsmən təsdiq edilib.
AFN xeberle.com-a istinadən xəbər verir ki, bu gün mərhumun meyiti ailəsinə təhvil verilib. O, Sumqayıt şəhər qəbiristanlığında dəfn edilib.