Rövnəq Abdullayevin adamının adı Panama sənədlərində-FOTO
Vizual.az xəbər verir ki, Beynəlxalq Araşdırmaçı Jurnalistlər Konsorsiumunun dərc etdiyi siyahıda bu ad-soyad yer alıb. Gələn məlumatlarda güman olunur ki, sənədlərdə adı olan şəxs məhz elə qurum rəhbəridir.
Qeyd olunur ki, Bakı şəhəri, Bəşir Nuriyev 77 ünvanında qeydiyyatda olan R.Vəliyev 16 noyabr 2000-ci ildə İsveçrənin Cenevrə şəhərində Braxon Group S.A şirkətini yaradan dörd şəxsdən biri olub.
Daha sonra şirkət Britaniya Virgin adalarında fəaliyyətini davam etdirib. Şirkətin son 16 ildə hansı əməliyyatlar keçirməsi və dövriyyəsi barədə gələcək araşdırmalarımızda məlumat verəcəyik.
Qeyd edək ki, Rauf Vəliyev "Xəzər Dəniz Gəmiçiliyi" QSC-nin sədri təyin olunmazdan əvvəl uzun müddət SOCAR-da çalışıb. O, sonuncu təyinata qədər SOCAR-ın Nəqliyyat İdarəsinin rəisi olub.
R.Vəliyevin 2000-ci ildə Braxon Group S.A şirkətini yaradan zaman bu qurumda çalışması və birdən-birə belə yüksək vəzifəyə təyinatı onun SOCAR şefi Rövnəq Abdullayevlə yaxın münasibətləri olduğundan xəbər verir.
Xatırladaq ki, siyahıda offşor zonalarda hesab, müəssisə və ya mülkləri olan həmyerlilərimizin adları qeyd olunub.
Ümumilikdə siyahıda 127 nəfərin adı var. Onların içində ölkənin tanınmış biznesmenləri, hətta yüksək ranqlı məmurların adı var.
QSC sədrinin oğlu Raul Vəliyevin də adına şirkət yaradılıbmış. Bunu elə Beynəlxalq Araşdırmaçı Jurnalistlər Konsorsiumunun yayımladığı siyahıdan da görməm mümkündür. Belə ki, Raul Vəliyevin də eyni ünvanda yaşadığı, habelə başqa bir şirkətə başçılıq etdiyi diqqəti çəkir.
