"CLEAR"da nə baş verir?


Binəqədi rayonunda yerləşən «Clear» hotelin sahibi ilə bağlı ilginc iddialar gündəmə gəlib. Bildirilir ki, əslən Yardımlı rayonundan olan Fəxrəddin və Fikrət adlı qardaşlar hotel və çoxsaylı restoranlar işlətməklə yanaşı, həm də beynəlxalq səviyyəli olaya da adlarını yazdırıblar.

İddialara görə, sözügedən şəxslərin adı 2009-cu ildə MTN tərəfindən həyata keçirilmiş əməliyyat zamanı üzə çıxıb. Belə ki, İrana Azərbaycan üzərindən külli miqdarda nüvə yanacağı keçirən dəstə yaxalanır. Onlardan biri 1979-cu il təvəlüdlü Goranboy rayonunun Sarov kənd sakini Tanrıverdiyev İbrahim Hüseyn oğlu olur. Məlumatda deyilir ki, nüvə yanacağı İran ərazisinə Qazax rayonunun “Sınıq körpü” keçid məntəqəsinin ərazisindən keçirilirmiş. Azərbaycan-İran sərhədində uran alverinin getdiyi faktlarla sübuta yetirilib.
Məlumatlara görə, həbs edilən dəstənin üzvlərindən biri də Fəxrəddin adlı iş adamıdır. O da iddia olunur ki, Fəxrəddin və onun Fikrət adlı qardaşı təkcə İranla deyil, Ermənistanla da uran alveri ediblər.
Maraqlı məqamlardan biri də odur ki, "Clear" hotelin təkcə bu məsələdədeyil, həmçinin qadın alverində də adı hallanır.
Jam.az-a daxil olan məlumatlarda vurğulanır ki, əvvəllər bir gecəsi 70 manata verilən otaq hazırda 90 manata müştəriyə təklif olunur. VİP otaqların qiyməti isə 150 manata kimi qalxıb. Və bura müştərilərin tək daxil olmasına da qəribə baxırlar. Çünki sözügedən hotel yalnız intim xidmətlər üçün "ixtisaslaşıb".
Məlumatlarda o da qeyd olunur ki, hotel rəhbərliyinin müştəri sarıdan korluq çəkməməsinin bir səbəbi də odur ki, Fəxrəddin və Fikrət adlı qardaşlar müştəriləri gizli kamera ilə çəkərək, əllərində «silah» kimi saxlayırlar. Hətta onların "toruna" düşənlər arasında iri çinli məmurların olduğu da qeyd olunur. Bildirilir ki, həmin məmurlardan biri ilə hotel sahibi arasında "soyuq müharibə" gedir.
"Clear"ın sahibləri həmçinin Masallıda da eyni təyinatlı otel inşa etdiriblər. Hətta bu yaxınlarda DİN-in İnsan Alverinə Qarşı Mübarizə İdarəsinin əməkdaşlarının həmin obyektdə əməliyyat keçirdikləri də vurğulanır. Lakin müəmmalı səbəbdən həmin obyekt əməliyyatdan sonra da fəaliyyətini davam etdirir.

Müəmmanın səbəbini isə azerinfo.org açıb. Saytın iddiasına görə,“Clear” hotelinin arxasında MTN-dəki Akif Çovdarov şəbəkəsi dayanıb. Belə ki, Çovdarovun gizli kaset görüntülərinin əksəriyyəti də “Emerald”, “Clear” və “Astoria Baku” hotellərində baş verib. Vəzifəli şəxslərin, tanınmış simaların “gözdən uzaq” hesab etdikləri bu hotellər tələyə çevrilib. Bəzi yüksək çinli məmurların belə burada Mahmudov-Çovdarov şəbəkəsinin qurbanına çevrildiyi gələn məlumatlar arasındadır. Bu məsələdə 2009-cu ildə baş verən hadisənin də rolu olduğu bildirilir. Belə ki, qardaşlar MTN tərəfindən yaxalandıqdan sonra cinayətkar qrupun pis işlərinin icraçısına çevriliblər.

Qarşı tərəfi də dinləməyə hazırıq.



AFN.az
Redaksiyamızla əlaqə: tel; 070 372 99 90, E-mail:office@afn.az



menyu
menyu