Türkiyənin termal mənbələrinə infotur təşkil ediləcək
İnfoturda Azərbaycanda fəaliyyət göstərən turizm şirkətlərinin, sağlamlıq turizmi obyektlərinin və kütləvi informasiya vasitələrinin nümayəndələrindən ibarət bir qrup heyət iştirak edəcək. İştirakçılar Türkiyənin ən böyük termal mənbələrinin yerləşdiyi Afyon, Dənizli və İzmirə səfər edəcək, bu məkanların sağlıq turizmi imkanları ilə bağlı ətraflı məlumat alacaqlar. Səfər zamanı iki ölkənin turizm təmsilçiləri təcrübələrini bölüşəcək, nümunəvi sağlamlıq turizmi klasterlərinin yaranması imkanlarını dəyərləndirəcəklər.
Bundan əlavə, səfər müddətində müxtəlif dövlət məmurları ilə görüşlər və kiçik seminarların təşkili də nəzərdə tutulur.