"Xəzər Lənkəran"ın sabiq baş məşqçisi qohumları tərəfindən döyüldü

Xəbərin çap versiyası
Tarix: 3-01-2017, 14:04    |    Xəbər oxunub: 272 dəfə
"Xəzər Lənkəran"ın keçmiş baş məşqçisi Mustafa Dənizli həyat yoldaşı və onun qohumları tərəfindən döyülüb.

Sport7.az xəbər verir ki, təcrübəli mütəxəssisin 2010-cu ildə evləndiyi Evin Elçi 21 sentyabrda evi tərk edib. 25 sentyabrda qardaşları ilə geri dönən qadın boşanmaq qarşılığında Dənizlidən 5 milyon lirə istəyib. Pulu ala bilməyən Evin Elçi və qardaşları Mustafa Dənizlini döyüblər.

Bundan sonra Mustafa Dənizli polisə müraciət edib. Başından və boynundan zərbə alan mütəxəssis böyük qızın evinə gedərək onlarla yaşayır. Bədənindəki xəsarətləri ailəsinə utanaraq göstərən 67 yaşlı mütəxəssis çox qorxduğunu və ailəsinə də zərər gələcəyinə görə nigaran olduğunu bildirib.

Hadisə ilə bağlı araşdırma aparılır.

Qeyd edək ki, Mustafa Dənizli 2013-2014-cü illərdə "Xəzər Lənkəran"a başçılıq edib.



AFN.az
Redaksiyamızla əlaqə: tel; 055 260 69 84, e-mail afn.news@mail.ru








Diqqətinizi çəkə biləcək digər xəbərlər
    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və baş redaktor Səbuhi Qafarov, baş direktor Həbibə Abdulla.
 

Copyright © 2012-2017 AFN.az Bu layihə AFN MMC məhsuludur