“Qalatasaray” baş məşqçini dəyişəcəkmi?
“Qalatasaray”ın prezidenti Dursun Özbek “Kayserispor”a dünənki məğlubiyyətdən (1:2) sonra baş məşqçiləri Jan Olde Riekerinklə yolları ayıracaqlarına dair mediada yayılan xəbərlərə münasibət bildirib.
Qol.az-ın məlumatına görə, bu gün keçirdiyi mətbuat konfransında o deyib ki, klubun idarə heyəti üzvlərinin hansısa başqa məşqçi ilə görüşləri, danışıqları olmayıb.
“Hazırda bizim yeganə hədəfimiz “Qalatasaray”ın daim uğurlarına və növbəti çempionluğuna nail olmaqdır” – deyə klub prezidenti vurğulayıb.