“Azercell”in yalan reklamları
Xəbər verdiyimiz kimi, “Azercell Telekom” şirkətinin müştərilərini gizli qeydlər və yalan reklamları ilə aldatmaqda davam edir. Belə ki, şirkət ölkədaxili zənglərdə, “Limitsiz” internet paketində, rominq xidmətində və s.yalançı vədlərində qanun pozuntusu kimi qiymətləndirilən yollardan istifadə edib. Bununla bağlı biznesin İnkişafı üzrə mütəxəssis Nicat Manafov bildirib ki, marketinq sahəsində istehlakçını aldadacaq bayağı yalanlar çox olur. Ümumiyyətlə, bu kimi şirkətlərin işlərinin böyük əksəriyyəti insanları yalana inandırıb xəyal qurdurmaqdır.
Ölkədaxili zənglər 10, yoxsa 20 qəpik?
Mobil operatorun rəsmi səhifəsində “Hər yerə” tarif paketi üçün ölkədaxili zənglərin 1 dəqiqəsi 10 qəpik qeyd olunması, amma qeyd hissəsində çox kiçik hərflərlə zənglərin hesablanma itervalı kimi 30 saniyə kimi qeyd olunması istehlak hüquqlarına zidd kimi qəbul edilir. N.Manafov hesab edir ki, burada yanlışlıq ola bilər. Çox güman ki, ya reklam səhifəsini hazırlayanda yanlışlığa yol verilib, yaxud istehlakçı hüquqları pozulur. Hər iki ehtimalda mobil operatorun gizli saxladığı məqamlar var. Yəni, reklamda qeyd olunanlar operatorun müştəriləri üçün suallar yaradır.
“Limitsiz” internet, yoxsa müəyyən olunmuş interval?
Sözügedən mobil operator 30 manat müqavilində “Limitsiz” internet təklifi müəyyən çərçivədə olsa da, limitlidir. Belə ki, “Limitsiz” internet paketinin reklamını inkar edən digər reklamda internet üçün nəzərdə tutulan internetin 50GB olduğu qeyd olunub. N.Manafov bunu marketinqin ən xoşagəlməz tərəfi kimi qiymətləndirib. Belə ki, şirkətin təklif etdiyi 50GB istifadə müddəti bitdikdən sonra sürət 100KBİT -ə düşməsi limitsiz kimi qeyd olunub. Bu isə o qədər az bir sürətdir ki, normal istifadə etməsi mümkün deyil. Misal olaraq bu sürətlə internetdə hər hansısa videonu izləmək qeyri-mümkündür. İstehlakçılar reklamın qeyd hissəsinə diqqət yetirməli, yalançı marketinqlərdən yayınmalıdırlar. Qeyd hissələrinin kiçik, balaca hərflərlə yazılması istehlakçının görməməsi üçün nəzərdə tutulur.
Rominqin dəqiqəsi 0,66 manat, yoxsa 3 manat?
Mobil operator “Avropada çox sərfəli rominq!” adı altında yayınladığı reklamı yenə digər reklamında inkar edir. Belə ki, reklamda Avropanın bəzi ölkələrində və qeyd olunan ölkələrin bəzi mobil operatorlarında rominq xidmətlərini 15 dəqiqəsini 10 manat qiymətləndirib. Yəni, dəqiqəsi 0,66 manat. Misal olaraq Avstriyanın “Orange” mobil operatoruna qoşulduğunuz zaman “Azercell Telekom” 15 dəqiqə danışığa 10 manat qiymətləndirib. Amma digər səhifəsində Avstriyanın “Orange” mobil operatoruna qoşulduğunuzda Azərbaycana edilən zəngin 1 dəqiqəsi üçün 3 manat məbləğində olduğu bildirilib. Bu zaman ortaya bir sual çıxır “Rominq” xidmətinin 15 dəqiqəsi 10 manat, yoxsa 45? N.Manafov burada istehlakçı hüquqlarının pozulmasını qeyd edib. Belə ki, ilk növbədə, Avropanın hansı ölkələrinə aid olduğu qeyd olunmalıdır. Bununla yanaşı, qeyd olunacaq ölkənin hansı mobil operatoru üçün nəzərdə tutulduğu da qeyd olunması əsas şərtlərdədir. Belə ki, reklamda qeyd olunan Avropanın çox güman ki, 70-8-%-i nəzərdə tutulur və burada istisnalar var. Yəni, “Azercell Telekomun” hansı şirkətlərlə əməkdaşlıq etdiyi bildirilməli və bundan istifadə edərək sözügedən paketdən istifadə etmək lazımdır. Amma qeyd olunan ölkə və operator üçün digər reklamda başqa qiymətlə verilməsi istehlakçı hüquqlarına ziddir.
Güzəşt, yoxsa reklam?
Sözügedən mobil operatorun “Gənc Ol” tarif paketinə qoşulanlar isə mağazalarda olunan güzəştli reklamlardan yararlana biləcək. Belə ki, operator sözügedən tarifə qoşulanlara reklam mesajları göndərərək onların hansı mağaza, yaxud əyləncə mərkəzlərində endirim olacağı barədə məlumat verir. Bu isə bir müddət əvvəl problemlərə səbəb olub və bir çox müştərilər tərəfindən mobil operatora rəsmi iradlar tutulmuşdu. Buna baxmayaraq “Azercell Telekom” bunu güzəşt kimi qeyd edir və bununla müştərilərini bir növ aldatmağa çalışır. N.Manafov bununla bağlı açıqlamasında bildirir ki, qanunvericiliyə görə müştəri istəmədiyi halda bu kimi mesajların göndərilməsi qanuna ziddir. Bu kimi mesajlar “spam” hesab olunur və müştərini narahat edirsə, bununla bağlı şikayətini bildirməli və imtina etməlidir. Bu kimi paketlərdə istənilməyən kampaniyalarda müştəriləri qeydiyyata alırlar ki, hansı ki, müştərinin bundan xəbəri yaxud razılığı yoxdur. Təbii ki, bu da qanuna zidd hesab olunur amma bu günün reallığıdır. “Spam” mesajları güzəşt hesab olunmur. Belə ki, hər hansısa mağazada hər kəs üçün nəzərdə tutlan endirimlər “spam”dan başqa bir şey deyil. Bu, o zaman güzəşt hesab oluna bilər ki, “Gənc Ol” tarif paketinin müştərilərinə xüsusi endirim edilsin.
Qeyd edək ki, ötən sayımızda bildirdiyimiz kimi, “Azercell Telekom” daxilində islahatlar aparır və ikinci “islahat” olaraq 40 nəfərin işdən azad olması gözlənilir. Bu kimi islahatlar isə ölkədə işsizliyin artmasına səbəb olur ki, hazır ki, böhranda əhalinin gəlirləri üçün kiçik də olsa, təhlükədir. (Cümhuriyyet)
