“Azərcell”in qara pərdəyə bürünməsinin sirri nədir?

Xəbərin çap versiyası
Tarix: 28-12-2016, 14:40    |    Xəbər oxunub: 487 dəfə
“Azərcell”in qara pərdəyə bürünməsinin sirri nədir? Yeni ildə Azərbaycan xalqını gözləyən “qara” sürprizlərdən birinin müəllifi Azərcell Telekom MMC ola bilər.

Şirkətin prezidenti Vahid Mürsəliyevin hələ noyabrda verdiyi açıqlamadan aydın olur ki, şirkət mal və avadanlıqları xaricdən alır, dolların məzənnəsinin artması bununla bağlı xərcləri artırdığı üçün “Azərcell” tarifləri bahalaşdıra bilər. Şirkət rəhbəri «Azercell»in bu il tarifləri artırmaq planları ilə bağlı fins.az-ın sualını da cavablandırarkən bildirib ki, şirkət tarifləri artırmamağa çalışacaq. Amma bu baş versə də qiymət artımı ciddi olmayacaq:

«Tarifləri artırmamağa çalışacağıq. Əgər hər hansı bir artım olarsa, çalışacağıq tam əsaslandırılmış, bazara və bizim müştərilərimizin bugünkü durumuna uyğun olsun. Biz müştərilərimizi düşünərək fantastik qiymət artımı planlaşdırmırıq».

Dövlət Statistika Komitəsinin məlumatına görə, 2016-cı ilin yanvar-oktyabr ayları ərzində informasiya və rabitə müəssisələri tərəfindən 1302,9 mln. manatlıq xidmət göstərilib. Xidmətlərdən əldə edilən gəlirin 52,2 faizi və ya 680,5 mln. manatı mobil telefon rabitəsi sahəsində formalaşıb.

2014-cü ildə Azərbaycanda göstərilən rabitə xidmətlərinin 914.6 milyon manatı və ya 56.5 faizi mobil rabitənin payına düşüb.

2015-ci ildə isə mobil rabitəoperatorlarının toplam gəlirləri 914 milyon manata bərabər olub.

Bu gəlirlərin tərkibində “Azərcell”in payı kifayət qədər yüksəkdir – ən azı 50 faizə yaxın olan bazar payı qədər.

Şirkətin illik hesabatlarından aydın olur ki, «Azercell»in 2014-cü ildə 128,5 milyon, ötən ilsə 254,1 milyon manat təmiz qazancı olub.

2015-ci ildə təkcə valyuta məzənnəsinin dəyişməsi sayəsində qurum 154 milyon 790 min manat irəli düşüb.Hesabat göstərir ki, 2015-ci ildə «Azercell»in əməliyyat gəlirləri 22,4 milyon manat azalsa da, yüksək gəlirlilik qalıb. İlboyu 410,8 milyon manat gəlir götürülüb. Xərclər (250,1 milyon manat) çıxılandan sonra 160,7 milyon manat və ya 2014-cü ildəkindən 2,3 milyon manat çox mənfəət əldə edilib.

Maraqlıdır ki, ölkənin qeyri-neft sektorunda ən iri vergi ödəyicisi olduğunu daim qabardan “Azərcell” hesabatlarında yalnız mənfəət vergisi üzrə ödənişləri əksini tapıb. Ümumiyyətlə, şirkətin onsuz da məhdud informasiyalı hesabatlarında 2013-cü ildən etibarən daha az məlumatlar əksini tapır. Bu, xüsusilə xərclərin strukturu ilə bağlı məlumatlarda özünü daha qabarıq göstərir. Belə ki, 2011-2012-ci il üzrə hesabatlarda şirkətin xərclərinin strukturu maddələr üzrə açıqlanır. “Xərc və məsrəflər” adlı bölmədə Əsas vәsaitlәrin amortizasiyası; Arabağlantı haqları vә xәrclәri; Reklam vә marketinq xәrclәri; Əmәk haqqı vә ödәnişlәr, o cümlədən pensiya xәrclәri; Dilerllәrә ödәnilmiş satış üzrә komissiyalar; Şәbәkә baxım xәrclәri; Roaminq xәrclәri; Əmәliyyat lizinqi üzrә icarә xәrclәri; Qoşulma kartları, danışıq kartları vә internet kartlarınınsatışının maya dәyәri; Qeyri-maddi aktivlәrin amortizasiyası; Transmissiya xәtlәri üzrә xәrclәr; Gәlirin bölüşdürülmәsi haqqında müqavilәlәr üzrә xәrclәr; Debitor borclarının dәyәrsizlәşmәsi; Tezliklәrdәn istifadәyә görә xidmәt haqqı; Texniki vә idarәetmә dәstәyi xәrclәri; Mәzәnnә fәrqi üzrә xalis zәrәr və Sair xәrclәr kimi detallı məlumatlar açıqlanıb.

Lakin 2013-cü ildən şirkət bu bölmə üzrə cəmi məbləği verməklə kifayətlənib. Bu isə “Azərcell”in xərclərinin maddələr üzrə dinamikasını izləməyə, müqayisəli təhlillərin aparılmasına, şirkətin xərcləri ilə bağlı dəqiq təsəvvürlərin formalaşmasına imkan vermir, qapalılığı artırır.

Bu şəraitdə V.Mürsəliyevin “Azərcell”in tarif artımına getmək niyyətini avadanlıq xərclərinin artması ilə əsaslandırmasını başa düşmək olar. Çünki Azərbaycanda son illərdə mobil rabitə şirkətləri üçün dövlət xəttilə təmin olunan xidmətlərin dəyəri nəinki artırılmayıb, əksinə, daha da aşağı salınıb. Məsələn, “Azərcell”in “Tezliklərdən istifadəyə görə xidmət haqqı” maddəsi üzrə xərcləri 2011-ci ildə 2,410 min manat olduğu halda 2012-ci ildə 1,147 min manata düşüb. Buna görə də şirkət prezidenti tarif bahalaşmasına getməklərini əsaslandırmaq üçün avadanlıq xərclərindən başqa bir tutanaq tapa bilmir. Bu halda ortaya daha maraqlı sual çıxır: Avadanlıq xərcləri “Azərcell”in ümumi xərclərində neçə faiz paya sahibdir ki, onun artması traiflərin yüksəlməsini qaçılmaz edir?

Qeyd edək ki, dövlətin yaratdığı əlverişli şəraitdən vəcdə gələn “Azərcell” hətta abunəçilərinin digər mobil operatorlarla arabağlantılarını əngəlləməkdən belə çəkinməyib. Buna görə dəfələrlə məhkəmələrə verilən şirkət yalnız dövlət qurumlarının məsələyə müdaxiləsindən sonra inhisarçılıq fəaliyyətindən əl çəkməyə məcbur oldu. Hazırda arabağlantıları əngəlləməsə də, əksər paketlər üzrə şəbəkəxarici zənglər üçün ən yüksək tariflər(dəqiqəsi 12-14 qəpik) müəyyənləşdirməkdə davam edir.

Davamı var…(yenicag.az)



AFN.az
Redaksiyamızla əlaqə: tel; 055 260 69 84, e-mail afn.news@mail.ru




Diqqətinizi çəkə biləcək digər xəbərlər
Azərbaycanda bir gündə 84 cinayət törədilib

Azərbaycanda bir gündə 84 cinayət törədilib

Nyu-Yorkda Məmmədyarov-Nalbandyan görüşü başlayıb

Nyu-Yorkda Məmmədyarov-Nalbandyan görüşü başlayıb

İstanbulda İŞİD əməliyyatı:

İstanbulda İŞİD əməliyyatı: 30-dan çox əcnəbi tutulub

"Bank of Baku" müştərini belə soyur- FOTOFAKT

Hərbçi güləşçimiz ermənini məğlub edərək medal aldı

Hərbçi güləşçimiz ermənini məğlub edərək medal aldı

Artur Rasizadəyə ağır itki

Artur Rasizadəyə ağır itki

Vəkil:

Vəkil: “Leyla Şıxlinskaya istintaqa təsir göstərir”

Azərbaycan yenidən Gürcüstana helikopter göndərdi

Azərbaycan yenidən Gürcüstana helikopter göndərdi

Binəli Yıldırım: “Referendum qərarı verənlər bunun əvəzini ödəyəcək”

Binəli Yıldırım: “Referendum qərarı verənlər bunun əvəzini ödəyəcək”

Qənirə Paşayeva Türkiyədə Qazilər Günündə çıxış edərək QHT və KİV-lərə çağırış edib-

Qənirə Paşayeva Türkiyədə Qazilər Günündə çıxış edərək QHT və KİV-lərə çağırış edib- VİDEO+FOTOLAR

OPEC-in baş katibi Azərbaycanı təriflədi

OPEC-in baş katibi Azərbaycanı təriflədi

Bakıda şirkətdən 270 min manata yaxın pul oğurlandı

Bakıda şirkətdən 270 min manata yaxın pul oğurlandı

    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və baş redaktor Səbuhi Qafarov, baş direktor Həbibə Abdulla.
 

Copyright © 2012-2017 AFN.az Bu layihə AFN MMC məhsuludur