DİN Lənkəranda özünü polis idarəsinin pəncərəsindən atan qadın haqda
E. Zahidovun sözlərinə görə, Yaqut Əliyeva polis idarəsinə operativ məlumatlar əsasında gətirilib.
2013-cü ilin may ayında Şürük kəndində Fəxriyyə Huseynovanın cəsədi tapılmışdı. Araşdırmanın gedişatı zamanı məlum olmuşdu ki, bu kəndin sakinləri Elgün Həşimov, Yaqut Əliyeva və Xanım Həsənova soyğunçuluq məqsədi ilə Fəxriyyə Həsənovanın evinə giriblər. Onlar oradan 9100 manat pul və qiymətli əşyalar oğurlayıblar. Ev sahibəsini isə elektrik sobasının üzərinə itələyiblər və nəticədə o, dünyasının dəyişib.
Prokurorluqda Azərbaycan Respublikası Cinayət Məcəlləsinin 124-cü maddəsi ilə cinayət işi açılıb. Hər üç şübhəli öz günahını etiraf edib.
“Görünür, ifşa edildiklərini, cəza çəkməli olduğunu anladığından belə addım atıb. Yaqut Əliyevaya polisdə heç bir fiziki və psixoloji təzyiq olmayıb. Daxili İşlər Nazirliyi və prokurorluq bu iş üzrə araşdırmanı davam etdirəcək”, - deyə E.Zahidov bildirib.
