“İstəsəm ABŞ-da qalardım”- QƏNİRƏ ATAŞOVA

Xəbərin çap versiyası
Tarix: 10-01-2017, 15:17    |    Xəbər oxunub: 228 dəfə
“İstəsəm ABŞ-da qalardım”- ANS-in tanınmış siması Qənirə Ataşova ölkədən buraxılmaması ilə bağlı yaranmış situasiyanı dəyərləndirib.

Jurnalist yaranmış durumula bağlı rəsmi strukturlardan izahat gözlədiyini deyib:

“Mənim ölkədən çıxışıma qadağa qoyulması məntiqsizlikdir. Mən istəsəydim elə ABŞ-da qalardım. ANS-in bağlanmasından sonra Amerikada fəaliyyət göstərən beynəlxaq hüquq müdafiə təşkilatları, jurnalist qurumları mənə öz köməyini təklif etdi. Ancaq mən öz dövlətimin ədalətinə inanaraq, Azərbaycana dönməyi qərara aldım. Ölkədən çıxarkən, məni geri qaytardılar. Nəzərə alsaq ki, mən Avropaya deyil, Türkiyəyə gedirdim. Bu lazımsız idi”.

Q.Ataşova deyir ki, hüquqlarının müdafiəsi üçün qanuni üsullardan yararlanacaq:

“Hazırda vəkil bu məsələni hüquqi yolla araşdırır. Qadağadan sonra iki ay müddətində mən qanunun imkan verdiyi bütün prosedurları keçdim. Bu yolla heç bir cavab ala bilməyəndən sonra məcbur olduq ki, hüquqi prosedurlara baş vuraq. Vəkilin əldə etdiyi bu sənəd ortadadır. İndi görürəm ki, baş prokurorun müavini Rüstəm Usubov, Respublika Prokurorluğunun mətbuat xidməti və ANS rəhbərliyi fərqli-fərqli fikirlər səsləndirir. Ortada qarışıq situasiya var. Əgər cinayət işi açılmayıbsa, nədən mənim vəkilimə bu sənəd verilib? Buna kimsə aydınlıq gətirməlidir. Belə çıxır ki, mənə verilə sənəd saxtadır. Əgər saxtadırsa, niyə insanın taleyi ilə oynamağa qalxırlar? Bildirirlər ki, ANS rəhbərliyinin ölkədən çıxışına qadağa yoxdur.
Qadağa yoxdursa, o zaman heç bir vəzifəsi olmayan mənim kimi adi bir jurnalistin aeroportda qarşılaşdığı o mənzərə nə idi? Buna bir nəfər aydınlıq gətirməlidir. Jurnalist olsam da, bir çox məsələləri ictimailəşdirmədən, sakit şəkildə həll etməyə çalışmışam. Ancaq görürəm ki, susduqca, mənim haqqıma girirlər, mənim haqqım əlimdən alınır. Nədən bir vətəndaş olaraq mənim hüquqlarım tapdanılmalıdır? Mən jurnalist olaraq bütün dünya jurnalistlərinin iştirak etdiyi mətbuat konfransında iştirak etmişəm. Dünyanın axtardığı adamın mətbuat konfransına girib ona lazımi sualı yerində vermişəm. Bu gün də məmnuniyyətlə, Fətulla Güləndən müsahibə alaram”.

Jurnalist onu da bildirib ki, ölkədən çıxışının qadağan olunması səbəbindən xaricdən ona gələn iş təklifini də itirməli olub:

“Mənim burada iş imkanlarım məhdud olduğundan Türkiyə rəsmiləri tərəfindən işə dəvət olundum. Əgər mən təhlükəli insan idimsə, nə üçün Türkiyə tərəfi məni işə dəvət edirdi? Mən orada jurnalistika və diaspora fəaliyyəti ilə məşğul olmalı idim. Onlar istəyirdilər ki, mən orada Azərbaycan, Türkiyə və ABŞ arasında diaspora fəaliyyətində aktiv olum, jurnalist olaraq bu sahə üzrə ixtisaslaşım. Çünki onlar görürdülər ki, mən bu sahədə aktivəm. Mən Amerikada olduğum zaman Türkiyə diasporası ilə çox sıx işləyirdim. Bu istiqamət üzrə işə çağırıldım. Ölkədən isə mənim çıxışıma qadağa qoydular. Əgər mən Türkiyə hökuməti üçün təhlükəli idimsə, onlar məni niyə işə çağırırlar?” (Gununsesi.info)



AFN.az
Redaksiyamızla əlaqə: tel; 055 260 69 84, e-mail afn.news@mail.ru




Diqqətinizi çəkə biləcək digər xəbərlər
İsrail hərbçiləri ilə fələstinlilər arasında toqquşmalar baş verib

İsrail hərbçiləri ilə fələstinlilər arasında toqquşmalar baş verib

Putin prezident seçkilərində müstəqil namizəd olacaq

Putin prezident seçkilərində müstəqil namizəd olacaq

Azərbaycanda qızıl və gümüş hasilatı artıb

Azərbaycanda qızıl və gümüş hasilatı artıb

İraqda 38 İŞİD-çi edam olunub

İraqda 38 İŞİD-çi edam olunub

İranla Azərbaycanın dəmir yolları birləşdiriləcək

İranla Azərbaycanın dəmir yolları birləşdiriləcək

Məleykə Abbaszadə yeni qəbul qaydalarından danışdı

Məleykə Abbaszadə yeni qəbul qaydalarından danışdı

Türkiyə XİN:

Türkiyə XİN: Ermənistan Xocalı qətliamına görə cavab verməlidir

Ərdoğanın baş müşaviri istefa verib

Ərdoğanın baş müşaviri istefa verib

"Dəmirbank" "əriyir": Əmanət və kreditlərə "stop"

Azərbaycan əhalisinin sayı açıqlandı

Azərbaycan əhalisinin sayı açıqlandı

Prezident səfərbərlik xidməti ilə bağlı fərman imzalayıb

Prezident səfərbərlik xidməti ilə bağlı fərman imzalayıb

Şura “Türkmənçay sülh müqaviləsi - 190: tarixi həqiqətlərin izi ilə” mövzusunda Beynəlxalq Elmi Konfrans keçirib

Şura “Türkmənçay sülh müqaviləsi - 190: tarixi həqiqətlərin izi ilə” mövzusunda Beynəlxalq Elmi Konfrans keçirib

    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və baş redaktor Səbuhi Qafarov, baş direktor Həbibə Abdulla.
 

Copyright © 2012-2017 AFN.az Bu layihə AFN MMC məhsuludur