Ermənilər Tovuzun sərhəd kəndlərində yanğınlar törədiblər
APA-nın qərb bürosunun verdiyi məlumata görə, isti və küləkli havadan istifadə edən ermənilər Tovuzun sərhəd kəndlərində otlaqlara od vurublar. Ötən axşam Tovuzun Əlibəyli kəndinin dağlıq hissəsində törədilən yanğın nəticəsində xeyli ərazi yanıb. Sakinlər mal-qara otlaqlarını məhv edən düşmən ordusunun daha çox evlərə ziyan yetirməyə çalışdığını deyirlər. Yanğın zamanı partlayış səsləri də eşidilib. Kənd sakinlərinin sözlərinə görə, ərazidə bir neçə mina partlayıb. Yanğın nəticəsində otlaq sahələri məhv olur, eyni zamanda çöldə yaşayan vəhşi heyvanlar kəndlərə hücum edir. Sakinlər çöl heyvanlarının kənddə mal-qara, toyuq-cücəyə ziyan vurğunu deyirlər.
