“Xalq belə müxalifəti qəbul etmir”-Aydın Mirzəzadə


“Azərbaycan müxalifətinin ölkədə vacib proseslər və seçkilər öncəsi xarici ölkə səfirlikləri ilə məsləhətləşmələri çox maraqlı bir xarakteristikadır və ənənə halını alıb”.

Bunu Yeni Azərbaycan Partiyası İcra Katibliyinin Siyasi Təhlil və Proqnozlaşdırma şöbəsinin müdiri, deputat Aydın Mirzəzadə deyib.

Millət vəkili hesab edir ki, bu hal müxalifətin xaricdən asılı olduğunu və müstəqil siyasətinin olmadığının göstəricisidir: “Belə siyasəti cəmiyyət qəbul etmir və heç bir halda xaricdən maliyyələşən, təlimat alan qüvvələrə dəstək verə bilməz. Onların seçki qabağı xarici səfirliklərlə görüşlər keçirərək səs istəməsi çox əcaib görünür.
Bununla belə onların seçkidə məğlub olmaları məntiqi olacaq. Çünki, onlar məsləhəti xalqdan, vətəndaşdan yox, xaricdən alırlar. Azərbaycan vətəndaşı isə öz taleyini xarici dairələrin əlində oyuncağa çevirlənlərə həvalə edə bilməz”, - YAP rəsmisi vurğulayıb.

Qeyd edək ki, son zamanlar bir sıra müxalifət partiyaları növbəti parlament seçkilərinə hazırlıqları məhz xarici ölkə səfirlikləri ilə görüşlərdən sonra başlayacaqlarını bəyan edib. (azvision.az)



AFN.az
Redaksiyamızla əlaqə: tel; 070 372 99 90, E-mail:office@afn.az



menyu
menyu