QHT-lərin qrant vəsaitinin sonuncu tranşı niyə ödənməyib?- Şuradan açıqlama

Xəbərin çap versiyası
Tarix: 11-01-2017, 12:22    |    Xəbər oxunub: 116 dəfə
QHT-lərin qrant vəsaitinin sonuncu tranşı niyə ödənməyib?- QHT-lərə Dövlət Dəstəyi Şurasından maliyyələşən layihələr üzrə vəsaitlərin son tranşı ödənməyib.

Bu barədə AFN-ə QHT sektorundan bildirilib. Məlumata görə, ötən ilin son ayında başa çatan layihələr üzrə hesabatlar verilsə və Şura tərəfindən qəbul olunsa da, maliyyə vəsaitinin ayrılması hələ də yubanır. Şuranın mühasibatlığından isə vəsaitlərin nə vaxt ödənəcəyinə dair dəqiq vaxt açıqlanmır.

Qeyd edək ki, bu vəziyyətlə üzləşdiyini bir neçə QHT rəhbəri bildirib. Vəziyyətin yaranma səbəbilə bağlı aydınlıq gətirmək üçün Şuranın mətbuat xidmətinə müraciət etdik. Mətbuat xidmətinin rəhbəri Elməddin Behbud məsələyə bu cür aydınlır gətirdi: “Azərbaycan Respublikasının Prezidenti yanında Qeyri Hökumət Təşkilatlarına Dövlət Dəstəyi Şurası olaraq QHT-lərin maliyyə vəsaitlərinin sonuncu tranşının ödənilməsi üçün üzərimizə düşən zəruri sənədləşmə işlərini vaxtında icra etmişik. Maliyyə Nazirliyinin yerli xəzinədarlıq İdarəsi tərəfindən ödəniş tapşırıqları bütün QHT-lərin hesabına işlənib. Ancaq Maliyyə Nazirliyi bizə məlum olmayan səbəblərdən bu ödənişi təmin etməyib. Hazırda 150-yə qədər QHT-nin qrant vəsaitinin qalan hissəsinin hansı mənbə hesabına və nə zaman ödənilməsi ilə bağlı müzakirələr aparılır”.

Mövzunu diqqətdə saxlayacağıq.

AFN.az
Redaksiyamızla əlaqə: tel; 055 260 69 84, e-mail afn.news@mail.ru
loading...







Facebook hesabınla fikrini bildir
Diqqətinizi çəkə biləcək digər xəbərlər
    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və baş redaktor Səbuhi Qafarov, baş direktor Həbibə Abdulla.
 

Copyright © 2012-2017 AFN.az Bu layihə AFN Media Group məhsuludur | Designed by Simvol



 
Facebook səhifəmiz