Nurayın xalası Xoşqədəmin verilişindən danışdı

Xəbərin çap versiyası
Tarix: 11-01-2017, 12:56    |    Xəbər oxunub: 485 dəfə
Nurayın xalası “Biz əvvəldən razı idik ki, Əvəz gəlib öz uşağını görsün. Ürəyi istəyəndə onunla söhbət etsin, vəziyyəti ilə maraqlansın”.

Bunu 10 yaşlı Nurayın xalası Mehriban Eldarova məlumat verib. O, atasının Nurayla görüşməsinə etiraz etmədiyin deyib.

“Biz əvvəllər də atasının Nurayı gəlib görməsinə razı idik. Buna heç vaxt etiraz etməmişik. Sadəcə bu adam özü gəlmirdi. İndi də sazişə razılıq əlaməti olaraq imza atmayıb. Ancaq belə elan olunub. Nuray hələ də qorxur. Bir müddət özünə gələndən sonra yəqin ki, atası ilə görüşə razılaşar. Əvəz bir az qəliz adamdır. Bir yandan bizi polisə, məhkəməyə verir, əleyhimizə verilişdə danışır, sonra da barışıq istəyir”.

M. Eldarova bildirib ki, Nurayla bağlı qalmaqalda mülk davasından söhbət gedə bilməz. “Bizim bir məqsdimiz var. O da uşağı qorumaqdır. Uşaq pis vəziyyətdədir. Stress keçirib. Xala nə etməlidir? Atılmış uşağa 10 il analıq edib. Anaya qoyulan hörmət budur? Anaya belə əzab verərlər? Xoşqədəmin verilişində mülk məsələsi ortaya atıldı. Deyildi ki, guya mən uşağı öyrədirəm, onu öz tərəfimə çəkirəm. Hansısa mülkdən , uşağın öyrədilməsindən söhbət belə gedə bilməz. Mən illərlə əziyyət çəkmişəm ki, bu balaca varlığı böyüdüb bir insan edim, qoruyum. Nuray sual verir ki, “mənim yerimdə olsaydınız, nə edərsiniz?”.

Deyirlər ki, uşağı öyrədiblər. Mən onun nəyini öyrətmişəm? Bacımın hansı xəstəxanalarda yatdığını və hansı xəstəlikdən əziyyət çəkdiyini siz bilmirsiniz. Onun müalicəsinə görə iki ev satmışam. Nuray 18 yaşı tamam olanda istəyər atasının yanına gedər, istəməz mənimlə qalar”.

Qeyd edək ki, sosial şəbəkələrdə yayılan videoda 10 yaşlı Nurayın xalasından alınaraq atasına verilməsi zamanı uşağa qarşı məhkəmə icraçıları tərəfindən yol verilən kobudluq əksini tapıb. (azvision)




AFN.az
Redaksiyamızla əlaqə: tel; 055 260 69 84, e-mail afn.news@mail.ru








Diqqətinizi çəkə biləcək digər xəbərlər
    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və baş redaktor Səbuhi Qafarov, baş direktor Həbibə Abdulla.
 

Copyright © 2012-2017 AFN.az Bu layihə AFN MMC məhsuludur