“Hökumətin bizdən xəbəri yoxdur”- İmişli sakinlərindən ETİRAZ

Xəbərin çap versiyası
Tarix: 11-02-2019, 10:49    |    Xəbər oxunub: 613 dəfə
“Hökumətin bizdən xəbəri yoxdur”-


Ağamalılar İmişlinin ən ucqar yaşayış məntəqəsidir. Kənd rayon mərkəzindən 52 kilometr uzaqda yerləşir. Ən yaxınlığında olan Məmmədli kəndi ilə onu 18 kilometr məsafə ayırır. Kənd sakinləri deyirlər ki, bu məsafəni saat yarıma “zülm-zillətlə” qət edirlər. Onların sözlərinə görə, güclü yağıntı olanda bu yol bəzi nəqliyyat vasitələri, o cümlədən “təcili yardım”a keçilməz olur. Hətta vaxtında xəstəxanaya çatdırılmadığından yolda xəstələrin öldüyünü, hamilə qadınların dünyaya uşaq gətirdiyini iddia edənlər də var.

Kəndin yaşlı sakinlərindən Səttar Hüseynov bildirib ki, bu yolu ötən əsrin 60-cı illərində quruda neft axtaran kəşfiyyat idarəsi salıb: “Kəndin ərazisində neft quyuları olduğundan işçilərin rahat gediş-gəlişi, texnikaların hərəkəti üçün tez-tez burada təmir işi aparılıb. İndi həmin quyuların çoxu quruyub, neft idarəsi də əvvəlki gücdə deyil.

"Son 25 ildə bu yol əsaslı təmir edilməyib. Yağıntılı günlərdə yolun hərəkət hissəsində dərin çalalar, gölməçələr yaranır. Yayda isə tozdan nəfəs çəkmək olmur.”

Kənd ağsaqqallarından olan Kərim Kərimov bu yola görə utandıqlarını deyir: “Başqa yerdən qonaq gələndə, utana-utana qabağına çıxırıq. Üzümüzə deyirlər ki, burada insan yaşayar?...Biz deputatları da, hökumət işçilərini də televiziyada görürük, amma onlar bizi görmür, vəziyyətimizdən xəbərləri yoxdur.”

Məktəblilər iki ayaqqabıdan istifadə edir

Ağamalılar kəndinin başqa istiqamətlərə də çıxışı məhduddur. Onun bir tərəfindən Kür çayı axır, o biri tərəfində isə Şərbətqobu ( göl ) yerləşir. Sakinlər bildirirlər ki, bir neçə kilometr uzaqda yerləşən Zərdab kəndlərinə getməkdən ötrü qayıqdan istifadə etməli olurlar. Onda da gərək hava küləkli olmaya. Belə gedişlər vaxtı qayığın aşmağı insanların həyatı bahasına başa gəlir.

Kənddaxili yollar da yaxşı vəziyyətdə deyil. Məktəbdə fiziki tərbiyə müəllimi işləyən Rahim Əhmədov bildirir ki, bu palçıqlı yolu uzunboğaz çəkmələrlə gələn şagirdlər məktəbə çatanda onu çıxarıb, evdən gətirdikləri ayaqqabılarını geyinirlər.

O, bu şəraitsizliyə görə gənclərin çoxunun kənddən baş götürüb getdiyini deyir. Kürdəmir rayonundan bura təyinatla işləməyə göndərilən müəllimlər də evə gedib-gəlməyə çətinlik çəkdiklərini söyləyirlər.

Son siyahıya almaya görə Ağamalılar kəndində 643 nəfər qeydiyyatdadır. Amma sakinlər bildirirlər ki, faktiki olaraq əhalinin yarısı bu kənddə yaşamır- rayon mərkəzinə, paytaxta gedənlər də var, yaxın-uzaq xarici ölkələrə də. Sakin Müslüm Paşayev deyir ki, hökumət nəhayət seçim etməlidir: “Ya bizi buradan köçürməli, ya da yol çəkməlidir. Amma hələ ki, bizə pambıq əkmək, barama saxlamaq təklif olunur.”

​İcra məmuru: “Asfalt yol çəkilməyi plandadır”

İmişli rayon icra hakimiyyətinin ərazi idarəetmə orqanları ilə iş şöbəsinin müdiri Mirzə Quliyev isə narahatlığa əsas olmadığını deyir:

“Yol hazırda işlək vəziyyətdədir. Bu yaxınlarda 4 yük maşını ilə çınqıl gətirilərək çökəkliklərə tökdürmüşük. Bundan əvvəl isə həmin yola 20 maşın çınqıl verilib. Bunlar daxili imkanlar hesabına edilib. Yolun yenidən qurulması və ona asfalt örtük çəkilməsi plandadır. 2019-cu ildə bu iş görülməlidir.”(AzadlıqRadiosu)

“Hökumətin bizdən xəbəri yoxdur”-

“Hökumətin bizdən xəbəri yoxdur”-





AFN.az
Redaksiyamızla əlaqə: tel; 070 372 99 90, e-mail [email protected]







Diqqətinizi çəkə biləcək digər xəbərlər
Azərbaycan uşaqlarının milli geyimləri xaricilərin diqqətində-

Azərbaycan uşaqlarının milli geyimləri xaricilərin diqqətində- FOTOLAR

Bakıda 26 yaşlı qız əməliyyatdan sonra öldü:

Bakıda 26 yaşlı qız əməliyyatdan sonra öldü: "Baku Medical Plaza"nın adı hallanır

Polşada “Uydurma iddialara inanma, Xocalı soyqırımını tanı” adlı aksiyaya start verilib

Polşada “Uydurma iddialara inanma, Xocalı soyqırımını tanı” adlı aksiyaya start verilib

"Azərsu" "Abonentə aid ünvan məlumatlarının dəqiqləşdirilməsi” xidmətini istifadəyə verib

Yağışlı hava sabah da davam edəcək

Yağışlı hava sabah da davam edəcək

İnvestorlar növbəti hərracda hansı dövlət əmlaklarını özəlləşdirə bilər?

İnvestorlar növbəti hərracda hansı dövlət əmlaklarını özəlləşdirə bilər?

Bu da gömrükdə rüşvət faktı! -

Bu da gömrükdə rüşvət faktı! - Sədr istefa ilə bağlı SÖZÜNÜ TUTACAQMI?

Vergi qanunvericiliyinə edilmiş dəyişikliklər vergi yükünü azaldıb

Vergi qanunvericiliyinə edilmiş dəyişikliklər vergi yükünü azaldıb

Bakıda 600 mindən çox sahibsiz it var və sayları artmaqdadır-

Bakıda 600 mindən çox sahibsiz it var və sayları artmaqdadır- TƏHLÜKƏ

Təhsil məmurunun milyonluq villası:

Təhsil məmurunun milyonluq villası: “Son dövrlər əldə etdiyi malikanələrdən sadəcə biridir…” (FOTO)

Qadın taksi sürücüsü: “Kişi kollektivində çalışmaq möhtəşəm hissdir”-

Qadın taksi sürücüsü: “Kişi kollektivində çalışmaq möhtəşəm hissdir”- VİDEO+FOTOLAR

Azərbaycan-Türkiyə ortaq hərbi təlimi keçiriləcək

Azərbaycan-Türkiyə ortaq hərbi təlimi keçiriləcək

    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və baş redaktor Səbuhi Qafarov, baş direktor Həbibə Abdulla.
 

Copyright © 2012-2017 AFN.az Bu layihə AFN MMC məhsuludur