Oliqarx deputat təhlükəli layihələrinin icrasına necə icazə alır?- Ağalar Vəliyevin “Kristal Abşeron”u narazılıq yaratdı

Xəbərin çap versiyası
Tarix: 2-03-2019, 20:14    |    Xəbər oxunub: 743 dəfə
Oliqarx deputat təhlükəli layihələrinin icrasına necə icazə alır?-


Son günlər sosial şəbəkələrdə və mətbuatda deputatın tikinti şirkəti ilə bağlı şikayətlərin ardı-arası kəsilmir. Deputat Ağalar Vəliyevə məxsus “Kristal Abşeron” şirkəti müxtəlif ərazilərdə apardığı tikinti ilə sakinlərin həyatı üçün təhlükə yaratmaqda davam edir.



Bir neçə gündür şirkətin Xırdalanda inşa etdirdiyi binalar müzakirə mövzusudur. Çünki şirkət tərəfindən inşa edilən 4 hündürmərtəbəli bina dəmiryolu xəttindən təxminən 2-3 metr məsafədədir.

Sakinlər demokrat.az-a müraciət edərək qatarlar hərəkət edərkən binada silkələnmə olduğunu bildiriblər. Həmçinin qeyd ediblər ki, ərazidə heç bir təhlükəsizlik tədbirləri görülməyib. Sakinlər azyaşlı uşaqların hər an təhlükə ilə üzləşə biləcəyini deyirlər.

Bildirək ki, dəmiryolunun kənarında tikilən binaların müzakirə mövzusu olması heç də əsassız deyil. Çünki illərdir dəmriyolu xətlərinin kənarlarındakı fərdi yaşayış evlərinin köçürülüməsi ilə bağlı müzakirələr aparılır. Məsələn, Bakının Nizami rayonu Keşlə qəsəbəsində yerləşən və “Şanxay” kimi bilinən ərazi, həmçinin Sabunçu, Bakıxanov qəsəbələrinin müxtəlif hissələrində dəmiryolu kənarında tikilən fərdi yaşayış evlərində hələ də yaşayış var. İllərdir dövlət rəsmiləri tərəfindən həmin sakinlərin köçürüləcəyi ilə bağlı açıqlamalar verilsə də hələki yekun qərar yoxdur.

Belə olan halda, yəni fərdi yaşayış evlərinin köçürülməsi planlaşdırıldığı halda necə ola bilər ki, hündürmərtəbəli binalar dəmiryolunun tam kənarında tikilir? Yəqin ki, bu suala başda ixtisasca inşaat mühəndisi olan deputat və tikintiyə icazə verən müvafiq qurumlar cavab verməlidir…

Deputatın qalmaqallı tikinti şirkətinin başqa bir özbaşınalığı “Azadlıq” metrostansiyasının çıxışında, məhv edilən parkın ərazisindədir.
İcazəni vaxtı ilə Binəqədi Rayon İcra Hakimiyyətinin başçısı olarkən rayonun yaşıllıqlarına qənim kəsilən Xaləddin İsgəndərovdan alan deputat burada da hündürmərtəbəli bina inşa etdirir.

Tikinti işləri başlayan zaman hasara alınan əraziyə məlumat lövhəsi asılmamışdı. Həmin ərəfədə musavat.com olaraq icra hakimiyyəti ilə əlaqə saxlayıb parkın ərazisində aparılan tikinti ilə maraqlanmışdıq. İcra hakimiyyətindən qısaca olaraq ərazidə dövlət əhəmiyyətli tikinti aparıldığını bildirmişdilər. Amma sonradan məlum oldu ki, “dövlət əhəmiyyətli tikinti” deputatın binası imiş. Həmin ərazidə bir neçə ağac kəsilərək məhv edilib, bir neçə ağac isə hasarlar arxasında “qurumağa” başlayıb.

Oliqarx deputat təhlükəli layihələrinin icrasına necə icazə alır?-


“Kristal Abşeron” bu binanın tikintisi zamanı da təhlükəsizlik tədbirlərini heçə sayıb. Müşahidələrimiz onu deməyə əsas verir ki, gün ərzində piyadaların və avtomobillərin hərəkət etdiyi ərazidə hər an təhlükəli vəziyyətlə üz-üzə qalmaq mümkündür.

Şirkət üzərinə düşən təhlükəsizlik tədbirini görmək əvəzinə sürücülərə xəbərdarlıq edir. Tikintinin hasarına qırmızı hərflərlə yazılıb ki, sürücülər maşını kənarda saxlamalıdır, əks halda maşınlara dəyəcək zərərə cavabdeh deyillər. Halbuki həmin ərazi ödənişli dayanacaqdır…
Oxucular və həmin ərazidə yaşanlar üçün sual yarana bilər ki, necə olur ki, metro çıxışında hündürmərtəbəli binanın tikintisinə icazə verilir?
Bu sualımıza cavab axtarmaq üçün də araşdırma apardıq. Məlum oldu ki, deputat tikinti aparmaq üçün aidiyyatı qurumlardan lazım olan rəsmi sənədləri əldə edə bilib.

Bina nə metronun keçidi, nə də metro tunelinin üzərində tikilib

“Bakı Metropoliteni” QSC-dəki mənbələrdən tikinti ilə bağlı bir neçə maraqlı məlumat da öyrənə bildik. Məlumata görə, metropoliten əvvəlcə ərazidə tikinti aparılmasına etiraz edib. Lakin “metrostansiyanın çıxışında hər hansı tikinti aparmaq qadağandır” demək üçün “Bakı Metropoliteni” QSC-nin istinad edəcəyi qanun yoxdur. Ona görə də metropoliten bu məsələdə israr edə bilməyib. Həm də icra başçısı Xaləddin İsgəndərovun razılığı və deputatın müvafiq qurumlarla “hesablaşması” tikintiyə yaşıl işıq yandırıb.

Ancaq tikinti metropolitenin nəzarəti ilə həyata keçirilib. Belə ki, bina metronun keçidindən kifayət qədər məsafədə inşa edilib. Amma göydələnin tam altından metro tuneli keçir. Buna baxmayaraq binanın sütunları tunelin kənarlarına düşdüyü üçün təhlükəli hesab edilmirmiş.
Mənbənin bildirdiyinə görə tikinti işləri başlayandan sonra nəzərdə tutulmayan problemlər üzə çıxıb. Belə ki, binanın su və kanalizasiya xətlərinin, avtomobil dayanacağının tikintisi üçün aparılan qazıntı işlərindən sonra tunelə tullantı suaları axmağa başlayıb. Bu problemin həlli üçün müxtəlif işlər görülsə də tam nəticə əldə edilməyib.

Sonda onu da qeyd etmək lazmdır ki, bu qeyd edilən özbaşınalıqlarda mühəndis deputatla yanaşı bunlara göz yuman aidiyyatı qurumlar da məsuliyyət daşıyır.

Oliqarx deputat təhlükəli layihələrinin icrasına necə icazə alır?-

Oliqarx deputat təhlükəli layihələrinin icrasına necə icazə alır?-

Oliqarx deputat təhlükəli layihələrinin icrasına necə icazə alır?-

Oliqarx deputat təhlükəli layihələrinin icrasına necə icazə alır?-

Oliqarx deputat təhlükəli layihələrinin icrasına necə icazə alır?-


Mənbə: Musavat.com




AFN.az
Redaksiyamızla əlaqə: tel; 070 372 99 90, e-mail [email protected]







Diqqətinizi çəkə biləcək digər xəbərlər
Prezident bu şəxslərin pensiyasını artırdı

Prezident bu şəxslərin pensiyasını artırdı

“Laçın” Ticarət Mərkəzinin sahibinin oğluna hökm oxunub

“Laçın” Ticarət Mərkəzinin sahibinin oğluna hökm oxunub

Fuad Poladovun 71 illiyinə

Fuad Poladovun 71 illiyinə

Balans Studiyası Tofiq Tağızadənin 100 illiyinə “Mateo Falkone” filmini bərpa etdi-

Balans Studiyası Tofiq Tağızadənin 100 illiyinə “Mateo Falkone” filmini bərpa etdi- FOTOLAR

“Nar” aztəminatlı ailələrdən olan uşaqlara dəstək olur

“Nar” aztəminatlı ailələrdən olan uşaqlara dəstək olur

Ermənistan ordusu Azərbaycan müdafiə nazirinə atəş açmaq istəyib?-

Ermənistan ordusu Azərbaycan müdafiə nazirinə atəş açmaq istəyib?- AÇIQLAMA

Dövlət Komitəsinin sədri və sədr müavinləri bölgələrdə vətəndaşları qəbul ediblər

Dövlət Komitəsinin sədri və sədr müavinləri bölgələrdə vətəndaşları qəbul ediblər

"Tural Mirzəliyev məktəb direktoru ampluasından çıxmış biridir"- Mətbuat Şurası rəsmisindən açıqlama

"Yeni Yasamal" MTK işində "Şərurlu İsfəndiyar" necə peyda oldu?- Zərərçəkmişlər: "Bizə deyir pul verin..."

Kişi arvadından polisə şikayət etdi:

Kişi arvadından polisə şikayət etdi: “Məni döyür”

Bu gün ETSN işçilərinin peşə bayramıdır

Bu gün ETSN işçilərinin peşə bayramıdır

Deputat Rüfət Quliyev Lənkəran hava limanını Rusiyaya icarəyə verməyi təklif etdi

Deputat Rüfət Quliyev Lənkəran hava limanını Rusiyaya icarəyə verməyi təklif etdi

    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və baş redaktor Səbuhi Qafarov, baş direktor Həbibə Abdulla.
 

Copyright © 2012-2017 AFN.az Bu layihə AFN MMC məhsuludur