Xətai Rayon İcra Hakimiyyətinin başçısı Razim Məmmədovun vəzifədən alınmasına hazırlıq gedir.
Bu barədə AFN-ə məlumat verən mənbənin sözlərinə görə, Bakı Şəhər İcra Hakimiyyətinə faktiki rəhbərlik edən müavin Eldar Əzizovun paytaxt rayonlarının rəhbərləri arasında ilk hədəfi məhz R.Məmmədovdur: “Bildiyiniz kimi, son günlər Bakıda ciddi abadlıq işlərinə start verilib. Bu sırada söküntü işləri də diqqət cəlb edir. Ən çox söküntü işlərinin aparıldığı rayon isə məhz Xətaidir. Görünən odur ki, tikinti qaydalarının ən çox pozulduğu rayon məhz bu rayondur”.
Təsadüfi deyil ki, mediada adı neqativlərdə ən çox hallanan məhz Xətai rayonudur. Mətbuatda bu rayonda yaşıllıqların kütləvi məhv edilməsi, yerində müxtəlif iaşə obyektlərinin tikilməsi haqda mütəmadi yazılar, video və foto görüntülər yer alıb. Bir müddət əvvəl isə Xətai rayonunun adı Prezident Administrasiyasına ən çox şikayət gedən rayonların siyahısında hallanmışdı.
Ümumiyyətlə, rayona rəhbərlik edən R.Məmmədovun haqqında yayılan çoxsaylı neqativ informasiyalar onun vəzifəsinin öhdəsindən layiqincə gəlmədiyi görüntüsünü yaradır. Bu baxımdan mənbəmizin fikirlərinə inanmamaq üçün heç bir əsasımız yoxdur desək, yanılmarıq.
FƏRİDƏ