Yunanlar yenidən Tsiprası seçdilər
35 faizdən çox səs yığan SİRİZA partiyası parlamentdə 300 mandatdan 145-nə sahib olacaq. Vangelis Meymarakisin rəhbərlik etdiyi sağ mərkəzçi “Yeni demokratiya” partiyası isə 28 faizdən artıq səs toplayaraq 75 mandat qazanıb. Son nəticələr bütün səslərin qeyd olunmasından sonra elan ediləcək.
***
Yunanıstanda növbədənkənar parlament seçkiləri başa çatıb. Yerli vaxtla saat 19:00-da seçki məntəqələri bağlanıb.
Müşahidəçilərin fikrinə görə, seçicilərin iştirak göstəricisi aşağı olub və 60%-dən çox olmayacaq.
“Exit-poll”a əsasən, sol radikal SİRİZA partiyası 30-32% səs çoxluğu ilə liderdir, sağ mərkəzçi “Yeni Demokratiya” partiyası 28-29.5% səs toplayıb.
Xatırladaq ki, yunanlar 2015-ci il ərzində artıq üçüncü dəfədir seçki məntəqələrinə gedirlər. Belə ki, yanvarın 25-də növbədənkənar parlament seçkiləri, iyulun 5-də isə kreditorların ultimatumuna və hökumətin iqtisadi siyasətinə dair referendum keçirilib.