OPEK-in həbs edilən prezidenti zaminə buraxıldı
Bu barədə Nigeriyanın "Daily Post" qəzeti yazıb. O, oktyabrın 5-də Vestminsterdə Çarinq-Krossda yerləşən polis bölməsinə dindirilməyə gəlməlidir.
OPEK prezidentinin Nigeriya paytaxtı Abudcada olan evi möhürlənib. Derzani Alison-Madueke yerli iqtisadi və maliyyə cinayətləri üzrə komissiya qarşısına çıxmalıdır.
Daha öncə KİV OPEK prezidentinin Londonda rüşvətxorluq və çirkli pulların yuyulmasında şübhəli bilinərək həbs olunduğunu xəbər vermişdi.
* * * 00:43
Nigeriyan keçmiş neft naziri, hazırda OPEK prezidenti olan Diezani Allison-Madueke Londonda saxlanılıb.
Bu barədə "Reuters" agentliyi məlumat yayıb.
Agentliyə Nigeriya prezidentinə yaxın mənbələr məlumat verib.
Xəbərə görə, OPEK prezidentinin nədə ittiham olunduğu məlum deyil.
Nigeriya KİV-ləri Allison-Maduekenin rüşvətxorluq və korrupsiya ittihamı ilə saxlanıldığını bildirib.
Amma Britaniya polisi də faktı təsdiq etməyib.