Ağır yol qəzası: 11 nəfər ölüb
APA-nın “Hürriyet”ə istinadən verdiyi məlumata görə, bu gün yerli vaxtla saat 08.30-da Van-Ərciş yolunda mikroavtobusla yük avtomobili toqquşub. Nəticədə 11 nəfər ölüb, 4 nəfər yaralanıb.
Mikroavtobusun sərnişinləri imtahan üçün Van şəhərinə gedən tələbələr və müəllimlər olub.
Hadisə yerinə ambulanslar cəlb olunub. Ölənlər və yaralılar xəstəxanaya daşınıb.