Xəstəxana bombalandı: 9 ölü, 23 yaralı
Virtualaz.org Türkiyə mətbuatına istinadən xəbər verir ki, Rusiyanın döyüş təyyarələrinin Suriyada müxalifətin nəzarəti altında olan xəstəxananı bombalaması nəticəsində ölən və yaralananlar var.
Bildirilir ki, Rusiya təyyarələri fevralın 24-də günortadan sonra Türkiyənin Hatay əyalətinin Reyhanlı bölgəsindəki Cilvəgözü sərhəd məntəqəsindən 35 km aralı Suriyanın Hələb əyalətinin əl-Eterip qəsəbəsindəki sağlamlıq mərkəzini bombalayıb.
Sakinlər bombalanmış binanın altında qalan yaralı və ölüləri çıxarıb. Yaralılar yaxınlıqdakı xəstəxanaya yerləşdiriliblər.