Dövlət Departamenti Putinin sanksiyalara cavabını şərh etməyib
“Biz prezident Putinin cavabını gördük. Əlavəmiz yoxdur”, - Dövlət Departamentinin nümayəndəsi bildirib.
Xatırladaq ki, dekabrın 29-da ABŞ prezidenti Barak Obama rusiyalı hakerlərin Amerikadakı prezident seçkilərinin gedişinə müdaxiləsinə cavab olaraq, Rusiyaya qarşı yeni sanksiyaların tətbiq edilməsi ilə bağlı fərman imzalayıb. Sanksiyalara əsasən, 35 rusiyalı diplomatdan yanvar ayının 1-i saat 20:00-dək ABŞ ərazisini tərk etmək tələb edilib.
Öz növbəsində, Rusiya prezidenti Vladimir Putin sanksiyalara cavab olaraq, ölkəsinin heç kimi qovmaq fikrində olmadığını bəyan edib.