Pakistanda partlayış: 28 nəfər ölüb, 60-a yaxın yaralı var
Pakistanın Lahor şəhərində terror aktı törədilib. Partlayış nəticəsində 28 nəfər ölüb, onlarla yaralı var.
Partlayışın kamikadze tərəfindən törədildiyi bildirilir. Məlumatda qeyd olunur ki, 60-a yaxın yaralıdan 11-nin vəziyyəti ağırdır. Ölənlərdən 8-i polis əməkdaşıdır. Yaralılar arasında da polislərin olduğu bildirilir.
Terror aktına görə, məsuliyyəti hələlik heç bir terror qruplaşması üzərinə götürməyib.