Livan İsraillə sərhəddə tam döyüş hazırlığı elan etdi
Livan ordusunun komandanı, ordu generalı Cozef Aun İsrail ordusunun təhdidlərinin qarşısını almaq üçün cənub sərhədlərində tam döyüş hazırlığı olduğunu bəyan edib.
"Report" xəbər verir ki, genaral Livan əsgərlərini İsrail ilə sərhəddə sabitliyin təmin edilməsi ilə bağlı BMT-nin 1701 nömrəli qətnaməsinin tətbiq olunması mövzusunda diqqətli olmağa çağırıb.
Qeyd edək ki, 2006-cı ildə Livan-İsrail müharibəsinə son qoyan qətnaməyə uyğun olaraq, Livan ordusu sərhədin özlərinə aid hissəsində təhlükəsizliyi təmin etmək üçün məsuliyyət daşıyır.
