Ankara prokurorluğu Kılıçdaroğlu ilə bağlı təhqiqata başladı
Türkiyədə ana müxalifət lideri - Cümhuriyyət Xalq Partiyasının (CHP) sədri Kamal Kılıçdaroğlu haqqında təhqiqata başlanılıb.
APA-nın verdiyi məlumata görə, Ankara Baş Prokurorluğu Türkiyə prezidentinin təhqir edilməsi maddəsi ilə təhqiqata başladığını açıqlayıb.
Qeyd edək ki, Türkiyə prezidenti Rəcəb Tayyib Ərdoğan K. Kılıçdaroğlunun dekabrın 5-də etdiyi çıxışla bağlı prokurorluğa müraciət edib. O, CHP lideri haqqında cinayət işinin açılmasını istəyib.