Ermənistanın yeni prezidenti də ilk səfərini Moskvaya edəcək
Ermənistanın yeni prezidenti Armen Sarkisyan ölkə rəhbəri kimi ilk rəsmi səfərini Rusiyaya edəcək.
Azvision.az xəbər verir ki, bu barədə A.Sarkisyan jurnalistlərə açıqlamasında bildirib.
Yeni prezident ilk səfərin Moskvaya olacağını təsdiqləsə də, vaxtın hələlik dəqiqləşmədiyini söyləyib: "Moskvaya Ermənistan prezidenti kimi səfər etməkdə maraqlıyam. Ənənəvi olaraq Ermənistan rəhbərləri ilk rəsmi səfərlərini məhz Moskvaya edirlər. Hazırda dəqiq tarix məlum deyil”.
