Tramp Kim Çen İnlə görüşə hazırlaşır
Amerika prezidenti Donald Tramp ABŞ və KXDR arasında keçiriləcək ikitərəfli sammitin yerinin və vaxtının razılaşdırıldığını bildirib.
TASS-ın məlumatına görə, Tramp razılaşmanın detallarını jurnalistlərə açıqlamayıb.
“Bizim Şimali Koreya ilə çox məzmunlu danışıqlarımız gedir. Girovlar (KXDR həbsxanalarında saxlanılan 3 amerikalı) barədə çox şey baş verib. Güman edirəm ki, çox yaxşı xəbərlər olacaq”, - deyə ABŞ prezidenti bildirib.
Hazırda ABŞ və KXDR Donald Tramp və Kim Çen In arasında görüşün detallarını müzakirə edir. Bir qədər əvvəl Birləşmiş Ştatların prezidenti sammitin 3 və ya 4 həftədən sonra Koreyanın cənubu və şimalı arasındakı sərhədyanı Panmuncom məntəqəsində keçirilə biləcəyini demişdi.
