Tramp İrandakı hakimiyyəti dəyişmək istəyir
ABŞ prezidenti Donald Trampın vəkili, Nyu-York şəhərinin sabiq meri Rudolf Culiani Amerika liderinin İrandakı “rejimi dəyişmək” arzusunda olduğunu bildirib.
Virtualaz.org xarici KİV-ə istinadən bildirir ki, bu barədə vəkil İslam Respublikasında demokratiyanın irəliləyişini dəstəkləyən təşkilatın qurultayında deyib.
Nyu-Yorkun sabiq meri qeyd edib ki, İranda hakimiyyətin dəyişməsi “Yaxın Şərqdə sülhün bərqərar olmasına aparan yeganə yoldur”.
“Bu hətta Fələstin-İsrail münaqişəsinin nizamlanmasından də vacibdir”, - deyə Rudolf Culiani əlavə edib.
Xatırladaq ki, Donald Tramp yanvarda İranın iri şəhərlərindəki kütləvi etirazları şərh edərkən ABŞ-ın “vaxtı çatanda” İran xalqına dəstək verəcəyini bəyan etmişdi.
