“Paşinyan”la Britaniya xarici işlər nazirinin telefon danışığı yayıldı- AUDİO

Xəbərin çap versiyası
Tarix: 24-05-2018, 21:30    |    Xəbər oxunub: 821 dəfə
“Paşinyan”la Britaniya xarici işlər nazirinin telefon danışığı yayıldı-


Kremlə və Rusiya xüsusi xidmət orqanlarına bağlı telefon dələduzları (prankerlər), “Vovan” ləqəbli Vladimir Kuznetsov və “Leksus” ləqəbli Aleksey Stolyarovun Ermənistanın yeni baş naziri Nikol Paşinyanın adından Böyük Britaniya xarici işlər naziri Boris Consona zəng vuraraq dolayıblar. “Paşinyan”la Boris Conson arasında telefon danışığının audioyazısı internetdə yayılıb.



Bir qayda olaraq bu telefon dələduzları Rusiyanın “xoşuna gəlməyən”, yaxud Kremllə qarşıdurmada olan xarici ölkə siyasətçilərini dolayırlar. Bu dəfə onların həm Paşinyana, həm Boris Consona “ilişməsi” Rusiyanın Ermənisandakı hakimiyyət dəyişikliyindən məmnun qalmadığını göstərən əlamətlərin getdikcə qabardığı bir vaxtda baş verir.

Beləliklə, qarşılıqlı salamlaşmadan və təbrikdən sonra tərəflər bir sıra beynəlxalq məsələlərin müzakirəsinə keçirlər, bu zaman tez-tez Rusiyanı və prezident Putini yada salırlar. Paşinyan əvvəlcə Ermənistan vətəndaşları üçün Avropa İttifaqına vizasız rejmi müzakirə etmək istəyir, amma Conson Böyük Britaniya və Rusiya arasındakı münasibətlərin müzakirəsinə keçir.

“Yeni soyuq müharibə başlatmamaq çox mühümdür. Mən bunu istəmirəm. Böyük Britaniyada heç kim bunu istəmir. Mən şəxsən hesab edirəm ki, Rusiya Uiltşir qraflığında Sergey və Yuliya Skripalları zəhərləyib öldürməyə cəhd etməkı çox dəhşətli səhvə yol verdi”-Boris Conson deyir.

“Paşinyan”la Britaniya xarici işlər nazirinin telefon danışığı yayıldı-


“Paşinyan” Boris Consonun bu zəhərlənmənin arxasında Rusiyanın dayandığına dair niyə belə əmin danışdığı ilə maraqlanır. Nazir deyir ki, sübutları daha sonra ona təqdim edə bilər. Əvəzində Conson fəxrlə deyir ki, Rusiyaya qarşı yeni sanksiyalar çox işə yaradı. O, “Rusal”ı və Oleq Deripaskanı misal göstərir. Londondakı rusları müzakirə edən Conson deyir: “Kensinqtonda hara tüpürsən oliqarxın üstünə düşür”.

Tərəflər digər mövzuları da müzakirə edirlər. Məsələn, Yaxın Şərqdən və Ermənistanın qonşusu İrandan danışırlar. ABŞ-ın İran sövdələşməsindən çıxması ilə bağlı “Paşinyan” nazirdən xahiş edir ki, Trampa təsir göstərsin. Çünki o, heç vaxt heç kimə qulaq asmır, “ola bilsin təkcə Putindən başqa”. Lakin söhbət yenə Skripallar məsələsinə qayıdır. “Paşinyan” zarafatla bildirir ki, Soçidə görüş zamanı Putinin onu “Noviçok”la zəhərləməyəcəyinə ümid edir. (Telefon söhbəti Paşinyanın mayın14-də Soçidə Putinlə görüşü ərəfəsində olub)

“Paşinyan” Consona deyir ki, Ermənistanın əlinə “Noviçok”a dair sənədlər keçib. Və guya Ermənistan bu zəhərə qarşı antidot işləyib hazırlayıb. Bu informasiya Consonu o qədər heyrətləndirir ki, dərhal Ermənistana uçmağa hazır olduğunu “Paşinyana” deyir.

Söhbətin sonunda “Ermənistanın baş naziri” Boris Consona deyir ki, Putinin Britaniya hakimiyyətində adamları var. Və bu günlərdə Londona gedən Kseniya Sobçak Kremlin adından leyboristlərə pul aparmışdı. Daha sonra “Paşinyan” Ukrayna prezidenti Pyotr Poroşenkonun Polşa prezidenti ilə görüşdə yıxıldığını deyir, “çünki onu da zəhərləyiblər”.

“Yaxşı ki, onun yanında həmişə “...o-p-o-x-m-e-l” adından antidot olur”-“Paşinyan” deyir. Bundan sonra Conson deyəsən onu doladıqlarını anlayır və söhbət yekunlaşır.






AFN.az
Redaksiyamızla əlaqə: tel; 070 372 99 90, e-mail [email protected]







Diqqətinizi çəkə biləcək digər xəbərlər
Alimlər gələcəyin iqlim proqnozunu açıqladılar-

Alimlər gələcəyin iqlim proqnozunu açıqladılar- qorxunc mənzərə

“Azərbaycanlıları məyus olmamağa çağırıram”-

“Azərbaycanlıları məyus olmamağa çağırıram”- çeçen nazirdən növbəti açıqlama

“Sən ordan çıx, mən burdan...”-

“Sən ordan çıx, mən burdan...”- Qalmaqallı prorektorla bağlı növbəti ARAŞDIRMA

Aqil Acalov:

Aqil Acalov: "Azərbaycan və çeçen xalqlarının münasibətləri tarixlə sınanıb"

Elxan Şahinoğlu:

Elxan Şahinoğlu: "Qarabağ Münhenlik deyil"

Lotu Qulinin 3 adamı tutuldu:

Lotu Qulinin 3 adamı tutuldu: polis basqını

Məşhur FHN generalının banka külli miqdarda borcu üzə çıxdı-

Məşhur FHN generalının banka külli miqdarda borcu üzə çıxdı- QALMAQAL

ADRA-dan şikayət-

ADRA-dan şikayət- Pulun nə üçün yığıldığı məlum deyil

Arif Əsgərov və övladlarının Slovakiyadakı biznesi üzə çıxdı-

Arif Əsgərov və övladlarının Slovakiyadakı biznesi üzə çıxdı- FOTOLAR

İlham Əliyev Moskvada baş vermiş hadisədən sonra Polad Bülbüloğluna tapşırıq verdi

İlham Əliyev Moskvada baş vermiş hadisədən sonra Polad Bülbüloğluna tapşırıq verdi

Almaniyada yaşayan həmyerlilərimiz erməni təxribatının qarşısını aldı-

Almaniyada yaşayan həmyerlilərimiz erməni təxribatının qarşısını aldı- FOTOLAR

Əhalinin banklardakı depozit əmanətlərin sığortalanması müddəti artırılır

Əhalinin banklardakı depozit əmanətlərin sığortalanması müddəti artırılır

    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və baş redaktor Səbuhi Qafarov, baş direktor Həbibə Abdulla.
 

Copyright © 2012-2017 AFN.az Bu layihə AFN MMC məhsuludur