Gürcüstanın baş naziri istefa verib
Gürcüstanın baş naziri Giorgi Kvirikaşvili vəzifəsindən istefa verib.
AzVision.az "RİA Novosti"-yə istinadən xəbər verir ki, Kvirikaşvili istefa qərarını bu gün keçirdiyi brifinqdə açıqlayıb.
"Mən hər bir vətəndaşın baş naziri olmağa çalışdım. Bu gün vəzifəmi tərk edirəm", - deyə Kvirikaşvili bəyan edib.
Qeyd edək ki, son ay ərzində bir neçə dəfə Gürcüstanda hökumət əleyhinə kütləvi etiraz aksiyaları keçirilib. Aksiyaçıların əsas tələbi baş nazirin istefası idi.