Təyyarə bataqlığa düşdü: nazir və köməkçisi öldü
Paraqvayın kənd təsərrüfatı naziri və köməkçisinin olduğu təyyarə qəzaya uğrayıb, 4 nəfər ölüb.
Qaynarinfo xarici KİV-ə istinadən xəbər verir ki, bu barədə Paraqvay Mülki Aviasiya Qüvvələrinin rəsmisi Roben Aquilar açıqlama verib. O, təyyarənin havalandıqdan qısa müddət sonra paytaxt Asunsyonun 380 kilometrliyində yerləşən bataqlıq bölgəyə düşdüyünü bildirib.
Qəza nəticəsində ölkənin kənd təsərrüfatı naziri Luis Qneytinq, köməkçisi Visente Ramirez, əsas və köməkçi pilot həyatını itirib.
Aquilar qəzanın hansı səbəbdən baş verdiyini bilmədiklərini və məsələnin araşdırıldığını diqqətə çatdırıb.