Xüsusi İstintaq Xidməti: Köçəryanın azad edilməsi qeyri-qanunidir
Yerevan Apellyasiya məhkəməsinin Ermənistanın sabiq prezidenti Robert Koçaryanın azad edilməsi haqqında qərarı qeyri-qanunidir.
Virtualaz.org yerli KİV-ə istinadən bildirir ki, bu barədə Ermənistanın Xüsusi İstintaq Xidməti bəyanat yayıb.
“Apellyasiya məhkəməsinin Robert Köçəryanın azad edilməsi haqqında qərarı qeyri-qanunidir. Ümid edirik ki, Baş Prokurorluq bu qərardan Kassasiya məhkəməsinə şikayətlə müraciət edəcək”, - qurumun mətbuat xidmətindən bildirilib.
Xatırladaq ki, Yerevanın Apellyasiya məhkəməsi bu gün konstitusiya quruluşunu devirməkdə ittiham olunan keçmiş prezident Robert Kəçəryanı toxunulmazlığı ilə əlaqədar azad edib.