ABŞ-ın Türkiyədəki səfirliyi atəşə tutuldu
ABŞ-ın Türkiyədəki səfirliyinin binası atəşə tutulub.
Hadisə avqustun 19-dan 20-nə kecən gecə, səhər saat 05 radələrində baş verib.
Naməlum avtomobildə olan şəxslər paytaxt Ankaranın Atatürk bulvarında yerləşən diplomatik nümayəndəliyin binasının 6 saylı qapısı qarşısında atəş açıblar. Güllələrdən biri binanın dam örtyünə dəyib. Onlar daha sonra hadisə yerindən qaçıblar.
Hadisə nəticəsində xəsarət alan olmayıb.
Polis silahlı şəxslərin axtarışına başlayıb.
