Ərdoğan İdlibdə atəşkəs elan edilməsini təklif etdi
Rusiya, Türkiyə və İran prezidentlərinin iştirakı ilə keçirilən Tehran Zirvə Toplantısı başa çatıb.
Qaynarinfo xarici KİV-ə istinadən xəbər verir ki, prezidentlər Suriya məsələsini müzakirə ediblər.
Həsən Ruhani: "Suriyanın ərazi bötüvlüyünə hörmətlə yanaşılmalıdır. Türrorla mübarizə davam etdirilməlidir. Suriyada ABŞ-ın qanunsuz müdaxiləsinə son qoyulmalıdır".
Vladimir Putin: "Şamda qəbul mərkəzi var. İordaniya və Livanda keçid mərkəzləri qurulub. Rusiya Suriyadakı insanlara davamlı şəkildə yardım öndərir. Yardımları artırmalıyıq. Rusiya, İran və Türkiyə arasındankı görüşlərdən sonra faydalı qərarlar qəbul edildi. Və bu qərar Suriyanın xeyrinə olacaq".
Rəcəb Tayyib Ərdoğan: "Dünya bizi səbirsizliklə gözləyir. Öz əsgərlərimizin canı ilə Suriyadakı təhlükəsizliyi təmin etdik. Bu gün gərginliyi azaltma bölgələrindən sadəcə İdlib qalıb. Müxalifət bu məsələdə aldadıldığını düşünür. Bu prosesin çox riskli bir nöqtəyə gəlib çıxdığını görürük. İdlib bizim milli təhlükəsizliyimiz üçün də önəmlidir. 12 nəzarət məntəqəsinin İdlib xalqına güvən verməsindən məmnunuq. Əsəd rejiminin öz xalqına etdiyi zülmü haqlı görə bilmərik. Türkiyə 4,5 milyon mühaciri saxlamaq planını doldurub".
Ərdoğan İdlibdə atəşkəs elan edilməsini təklif edib, lakin Putin geri addım atmayıb.
Ərdoğan: "İdlibdəki bombardmanların artıq bir atəşkəsə addım atılmasında fayda var. Xalq qorxu içindədir. Köç başlayıb. Bizim sərhədlərimizə doğru gəlirlər. Atəşkəs elan edilməsi bu zirvənin də zəfəri olacaq deyə düşünürəm. Sözlərimi bitirirəm".
Putin: Əsəd öz üzərinə düşən vəzifəni yerinə yetirib. Müxalifət də öz üzərinə düşən vəzifəni yerinə yetirməlidir. Siyahını verdilər. Əsgərlər arasında koordinasiyaların artırılmasının lazım olduğunu düşünürəm. Biz İdlib bölgəsində vəziyyəti ələ almışıq. Bu dəqiqə masada silahlı müxaliflər yoxdur. Mövcud qanunvericiliyi nəzərə alaraq bu şəkildə hərəkət edirik.
Bundan sonra Tehran bəyanatı imzalanıb.
