Sabiq nazir: "Turqut Özalı KQB zəhərləyib"

Xəbərin çap versiyası
Tarix: 9-11-2018, 11:26    |    Xəbər oxunub: 562 dəfə
Sabiq nazir:


Türkiyənin VIII Prezidenti Turqut Özalın ölümü rusların işinə yarayıb.



Bu fikirləri Türkiyənin sabiq dövlət naziri Mətin Gurdərə deyib.

Mərhum Turqut Özalın zəhərlənərək öldürülməsi haqqında söz-söhbətlər heç vaxt siyasi gündəmdən çıxmayıb. İllər əvvəl Əhməd Özal və Qorqud Özal "öldürüldü” iddiaları ilə Turqut Özalın ölümünü təkrarən siyasi gündəmə gətirib və onun zəhərlənmə məsələsi yenidən diqqət mərkəzində olub.
Bu baxımdan sabiq dövlət naziri Mətin Gurdərənin hələ 10 il əvvəl Turqut Özalın ölümü haqqında danışarkən çox maraqlı fikirlər açıqlaması diqqətdən qaçmamalıdır.

Sabiq nazir bu haqda danışarkən bildirib ki, Ukraynada prezidentliyə namizədlərdən birini zəhərlədilər, həmçinin Londonda KQB-nin sabiq əməkdaşı zəhərləndi:

"O illərdə çox pərişan bir Rusiya vardı, yerlə sürünürdü. Türkiyə də Özalın sayəsində bayraq kimi dalğalanırdı. Daha sonra KQB imkanlarından istifadə edərək Putin Rusiyadakı rejimə əl qoydu. Onun liderliyində Rusiya toparlandı. Rus dərin dövləti yerlə sürünən ölkəyə müdaxilə etdi, öz namizədini hakimiyyətə gətirdi və Rusiya toparlandı. Öz dövlətini düşdüyü vəziyyətdən xilas etmək üçün hadisələrə daxil olan KQB o zaman gələcəyi Qafqaz və Orta Asiya olmadan bir məna kəsb etməyəcəyini anlayırdı. Turqut Özal ora gedəndə səhhətində problemləri yox idi. Ancaq oradan çox pərişan qayıtdı, xəstəliyi getdikcə gücləndi.

Gələcəyin Rusiyası üçün Orta Asiya və Qafqazda Türkiyənin təsirini azaltmaq üçün Özala qarşı bir zəhərlənmə əməliyyatı oldusa, onların vasitəsilə oldu. Əgər bir zəhərlənmə varsa, ancaq bu şəkildə ola bilər. Yəni Özala yeməklər hazırlanır. KQB-nin adamları yeməyə zəhər qatır və Özal Türkiyəyə qayıdanda pərişan olur, xəstələnir və vəfat edir. Tibbi baxımdan bunu araşdırmaq lazımdır”.

Özalın ölümünün rusların işinə yaradığını deyən sabiq dövlət naziri daha sonra qeyd edib ki, hadisədən illər sonra Orta Asiya və Qafqazda Türkiyənin təsiri azalıb:

"Əvvəl bizim təsirimiz daha güclü idi. Bu ölüm kimin işinə yarayıbsa, sui-qəsdin arxasında onları axtarmaq lazımdır. Mən Türkiyə daxilində Özala qarşı belə bir əməliyyatın ola biləcəyini ehtimal etmirəm. Əgər varsa, Rusiyanın İtaliya məxfi xidmətinin vasitəsilə Orta Asiya və Qafqazda təkrar təsirini gücləndirmək məqsədilə Özala belə bir sui-qəsd edə biləcəyini ehtimal edirəm. Özal nə dərin dövlətlə, nə də bu işi edə biləcək digər güclərlə qarşıdurma halında deyildi. Əksinə, bütün güclərlə liberal münasibətdə idi. Özal gücü və təsirindən heç bir zaman qarşısındakı insanı əzmək və sındırmaq üçün istifadə etməzdi. Bu səbəbdən də belə bir düşmənin olacağını düşünmürəm. Türkiyədə kimnsə belə bir sui-qəsd təşkil etsəydi, uduşu nə olardı?”.

Turqut Özalın 5 ölkəyə baş tutan 12 günlük Türküstan səfərindən sonra vəfat etdiyinə diqqət çəkən Mətin Gurdərə əlavə edib ki, dedikləri həqiqətdirsə, türk kəşfiyyatı artıq bu informasiyanı faktlarla əldə edib:

"Ancaq bu informasiyanı sonradan əldə etsən belə, nə edəcəksən? Bunu əsla açıqlaya bilməzsən. Bir az irəli getsən "prezidentinizi qoruyardınız, biz bunu etmədik” deyərlər. Beynəlxalq siyasətdə məsələlər belədir. Nəticə budur ki, Türkiyə çox əhəmiyyətli bir dövlət adamını itirdi. Yalnız itirmədi, həm də Orta Asiyada təsirini azaltdı”. (teleqraf.com)




AFN.az
Redaksiyamızla əlaqə: tel; 070 372 99 90, e-mail afn.news@mail.ru






Diqqətinizi çəkə biləcək digər xəbərlər
“Son iclas” bədii-sənədli filmi Antalyada təqdim olundu-

“Son iclas” bədii-sənədli filmi Antalyada təqdim olundu- VİDEO+FOTOLAR

Məktəb direktoru ilə tanınmış aktyor arasında insident-

Məktəb direktoru ilə tanınmış aktyor arasında insident- Təfərrüat+FOTOLAR

DOST konsepsiyasının, “e-sosial” internet portalının, ƏƏSMN-in yeni loqosunun və rəsmi internet səhifəsinin təqdimatı keçirilib

DOST konsepsiyasının, “e-sosial” internet portalının, ƏƏSMN-in yeni loqosunun və rəsmi internet səhifəsinin təqdimatı keçirilib

Müəllimdən məktəb direktoruna qarşı inanılmaz iddia

Müəllimdən məktəb direktoruna qarşı inanılmaz iddia

Nazir müavini:

Nazir müavini: "Partlayış baş verən binanın sakinləri üçün yeni bina tikiləcək"

20 noyabr hərracı:

20 noyabr hərracı: 9 elektron sifariş verildi, 5 dövlət əmlakı rəqabət yaratdı

"Nissan"ın rəhbəri həbs edildi

Azərbaycanda terrora cəhd edən erməni diversant məhkəmə qarşısında-

Azərbaycanda terrora cəhd edən erməni diversant məhkəmə qarşısında- VİDEO+FOTOLAR

Metroda soyğunçuluq və oğurluq edən şəxslər saxlanılıblar

Metroda soyğunçuluq və oğurluq edən şəxslər saxlanılıblar

Tanınmış azərbaycanlı müğənni vəfat etdi

Tanınmış azərbaycanlı müğənni vəfat etdi

Azərbaycanda 3 qurum birləşdirilir, super nazirlik yaradılır

Azərbaycanda 3 qurum birləşdirilir, super nazirlik yaradılır

Hava şəraiti qeyri-sabit keçəcək:

Hava şəraiti qeyri-sabit keçəcək: sulu qar, qar yağacağı ehtimalı var-XƏBƏRDARLIQ

    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və baş redaktor Səbuhi Qafarov, baş direktor Həbibə Abdulla.
 

Copyright © 2012-2017 AFN.az Bu layihə AFN MMC məhsuludur