Məşhur türk aktyor barədə həbs qərarı verildi
Türkiyənin məşhur aktyoru Mehmet Ali Alabora barədə həbs qərarı çıxarılıb.
Qaynarinfo Türkiyə KİV-inə istinadən xəbər verir ki, qərar, aktyorun 2013-cü ildə İstanbulda Gezi Parkının sökülməsi əleyhinə təşkil edilmiş böyük etiraz nümayişlərində fəaliyyətinə görə çıxarılıb. Alaboranın aksiyalardan əvvəl Gürcüstan və Ərəb dünyasındakı nümayişlərdə rol oynayan " OTPOR" təşkilatının lideri İvan Maroviç ilə İstanbul və Misirdə keçirdiyi görüşlər məhkəməyə sübut olaraq göstərilib. Bildirilir ki, hadisələrə 2011-ci ildən hazırlıq görülüb.
Qeyd edək ki, Gezi hadisələrinin əsas təşkilatçılığının biznesmen Osman Kavala tərəfindən edildiyi, amerikalı milyarder Corc Sorosa bağlı təşkilatların prosesə dəstək verdiyi iddia olunur. Kavala hazırda həbsdədir.
