Peskov: Ərdoğan Putinin ən çox güvəndiyi liderlərdəndir
Türkiyə prezidenti Rəcəb Tayyib Ərdoğan rusiyalı həmkarı Vladimir Putinin ən çox etibar etdiyi dövlət başçılarından biridir.
Bunu Rusiya prezidentinin mətbuat katibi Dmitri Peskov Türkiyənin “Hurriyet” qəzetinə müsahibəsində “Ərdoğan Putinin ən çox güvəndiyi liderlər sırasındadırmı?” sualına cavabında deyib: “Əlbəttə. Onlar bir-birilərini çox yaxşı başa düşürlər” – Peskov vurğulayıb.
Azvision.az qeyd edir ki, Türkiyə və Rusiya İranla birlikdə Suriyada atəşkəsə qarant ölkələrdir. Ötən həftə hər üç ölkə prezidentlərinin iştirakı ilə Soçidə Suriyadakı vəziyyətlə əlaqədar sayca 4-cü sammit keçirilib.
