Ukrayna prezidenti istintaqa çağırıldı
Ukraynanın fəaliyyətdə olan prezidenti Petro Poroşenko istintaqa çağırılıb.
Bunu yerli KİV-ə ölkə Baş Prokurorluğunun Xüsusi istintaq idarəsinin rəisi Sergey Qorbatyuk bildirib.
Müstəntiqlər P.Poroşenkonu Avromeydançılara qarşı törədilən zorakılıqla bağlı cinayət işi üzrə mayın 7-də ifadə verməyə dəvət ediblər.
Ukraynanın daxili işlər naziri Arsen Avakov bir müddət əvvəl bəyan etmişdi ki, əgər P.Poroşenko prezident seçkisində məğlub olarsa, o zaman korrupsiya işi üzrə istintaqa çağırılacaq.
“Report” xatırladır ki, aprelin 21-də ölkədə keçirilən prezident seçkisinin ikinci turunda P.Poroşenko məğlub olub. Onun rəqibi Vladimir Zelinski 73,22 faiz, P.Poroşenko isə 24,45 faiz səs toplayıb.
