İmamoğlu qərarından sonra İstanbul bələdiyyəsi "çökür"- FOTO
İstanbul Böyükşəhər Bələdiyyəsinin rəsmi "Twitter" hesabı son 20 saatda 70 mindən çox izləyici itirib.
Qaynarinfo Türkiyə KİV-inə istinadən xəbər verir ki, itkiyə səbəb "@istanbulbld" hesabının İstanbulun bələdiyyə sədri seçilmiş Əkrəm İmamoğlunu izləmədən çıxarması olub. Belə ki, hesabın izləyici sayı daha əvvəl 543 min idisə, hazırda 469 mindir.
Qeyd edək ki, Türkiyədə 31 martda keçirilən seçkilərə görə, Cümhuriyyət və Xalq Partiyasının (CHP) namizədi Əkrəm İmamoğlu İstanbul Böyükşəhər Bələdiyyəsinin sədri seçilib və ona 17 apreldə mandat təqdim edilib. Lakin 6 mayda Ali Seçki Komissiyası İstanbul üzrə seçki nəticəsini ləğv edib və 23 iyuna 2-ci seçki təyin edib.
