İran uranın zənginləşdirilməsi prosesinə başlayıb
İran Fordodakı nüvə müəssisəsində uranın zənginləşdirilməsi prosesinə başlayıb.
Trend-in "TASS"a istinadən verdiyi məlumatına görə, bu barədə İranın Atom Enerjisi Təşkilatı bildirib.
Təşkilatın açıqlamasında bildirilir: "Fordoda uranın zənginləşdirilməsi və istehsalı yenidən başlayıb, bütün addımlar Atom Enerjisi üzrə Beynəlxalq Agentliyin nəzarəti altında aparılır".
Noyabrın 6-da İranın Fordodakı nüvə müəssisəsində sentrifuqaya qaz doldurulmağa başlanılıb, bu isə faktiki olaraq Tehranın nüvə sazişi üzrə öhdəliklərinin azaldılmasının dördüncü mərhələsinin başlanğıcı deməkdir.
