KTMT-nin yeni Baş katibi rəsmən işə başladı
Kollektiv Təhlükəsizlik Müqaviləsi Təşkilatının (KTMT) yeni təyin olunmuş Baş katibi, general-leytenant Stanislav Zas bu gündən rəsmən işə başlayıb.
Virtualaz.org bildirir ki, bu barədə qurumun mətbuat xidməti məlumat yayıb.
"Mən özümün əsas vəzifəmi işimi düzgün və vicdanla yerinə yetirməkdə görürəm. KTMT-nin üzv dövlətlərə və xalqlarına daha səmərəli xidmət göstərməsi üçün kollektiv təhlükəsizliyin təmini istiqamətində səylər göstərəcəyəm”,- deyə S.Zas bildirib.
Qeyd edək ki, ötən il 28 noyabr tarixində KTMT ölkələrinin liderləri Stanislav Zasın təşkilatın Baş katibi vəzifəsinə namizədliyini təsdiqləyiblər. O, daha əvvəl Belarus Təhlükəsizlik Şurasının katibi olub.
