İranda bir gündə 239 nəfər koronavirusdan ölüb
İranda ötən sutka ərzində 239 nəfər koronavirusdan (COVID-19) ölüb.
APA-nın Tehran bürosunun məlumatına görə, bunu İranın Səhiyyə, Müalicə və Tibbi Təhsil Nazirliyinin sözçüsü Sima Sadat Lari deyib.
S.Sadat Larinin sözlərinə görə, bununla da İranda bu virusdan ölənlərin sayı 27 658 nəfərə yüksəlib.
Nazirlik rəsmisi deyib ki, İranda ötən 24 saat ərzində 4 019 nəfər koronavirusa yoluxub. İranda bu virusa yoluxanların sayı 483844 nəfərə yüksəlib.
O əlavə edib ki, İranda indiyədək 397 109 nəfər koronavirusdan sağalıb.
