AFN.AZ / Qüdsü etiraz dalğası bürüdü

Qüdsü etiraz dalğası bürüdü

Qüdsü etiraz dalğası bürüdü


ABŞ-ın Qüds şəhərini İsrailin paytaxtı kimi tanıması ilə əlaqədar olaraq İordan çayının qərb sahilində gərginlik artıb.

Xarici medianın xəbərinə görə, sahildəki bir sıra qəsəbələrdə nümayişçilər Trampın Qüds qərarına etiraz olaraq Fələstin bayraqları və plakatlar qaldırıblar.

Ramallahın mərkəzi meydanından hərəkətə keçən fələstinlilər küçələrdə ABŞ və İsrail əleyhinə şüarlar səsləndirirlər.

Tulkerm, Cənin, Kəlkiliyyə, Beyt Ləhm, əl-Xəlil, Əriha yaşayış məntəqələrində etirazçılarla İsrail təhlükəsizlik qüvvələri arasında qarşıdurma olub.

Gözyaşardıcı qaz və rezin güllələrdən istifadə edən İsrail polisinə fələstinlilər daşlarla qarşılıq verib.

Son məlumatlara görə, baş verən toqquşmalarda azı 25 nəfər xəsarət alıb.
7-12-2017, 19:30
Geri qayıt