DİN-dən Əli Həsənovun nəvəsi ilə bağlı AÇIQLAMA

Xəbərin çap versiyası
Tarix: 4-08-2017, 21:21    |    Xəbər oxunub: 1 113 dəfə
DİN-dən Əli Həsənovun nəvəsi ilə bağlı


Xəbər verildiyi kimi ötən gün axşam Bakının Heydər Əliyev prospektində “Mercedes Gelandewagen” markalı ciplə dəhşətli qəza törədilib. Yüksək sürətlə hərəkətdə olan avtomobil VAZ-2115 markalı avtomobili arxadan vurduqdan sonra idarəetməni itirib və prospektin ikinci dərəcəli yoluna çıxıb. Orada yol kənarında dayanmış 3 nəfər piyadanı vurub və alışıb yanıb.

Qəzada biri vurulan piyada olmaqla iki nəfər həlak olub, iki nəfər piyada yaralanıb. Həmin avtomobil baş nazirin müavini, Qaçqın və Məcburi Köçkünlərin işi üzrə Dövlət Komitəsinin sədri Əli Həsənovun qız nəvəsi Nail Allahverdiyevə məxsusdur. Bu qəza geniş ictimai rezonansa səbəb olub və virtualaz.org Azərbaycan Daxili İşlər Nazirliyinin mətbuat xidmətinin rəhbəri, polkovnik Ehsan Zahidova sorğu ilə müraciət edərək bu nazirliyin məsələyə rəsmi münasibətini öyrənib.

Ehsan Zahidov cavabında bildirib:

- Həqiqətən ötən gün axşam saat 21.20 radələrində Bakının Heydər Əliyev prospektində vətəndaş Nail Allahverdiyevə məxsus olan, “Mercedes Gelandawagen” markalı, 10 PP 203 dövlət nömrə nişanlı avtomobil yol hərəkəti qaydalarının kobud şəkildə pozulması nəticəsində əvvəlcə VAZ 2115 markalı avtomobillə toqquşub, daha sonra idarəetmədən çıxaraq ikinci dərəcəli yola çıxıb, orada yol kənarında dayanan piyadaları da vurub və maneəyə dəyərək alışıb.

Qəza zamanı avtomobilin vurduğu piyadalardan Vaqif Əsədov adlı vətəndaş hadisə yerində həlak olub, digər iki piyada-Türkiyə vətəndaşları Mutallib Tekiş və Songül Tekiş müxtəlif dərəcədə bədən xəsarətləri alaraq xəstəxanalara yerləşdiriliblər. Habelə qəza zamanı avtomobildə olan Mehdi Əliyev adlı şəxs hadisə yerində həlak olub.

- Hüquq-mühafizə orqanları geniş ictimai rezonansa səbəb olan bu hadisə ilə bağlı hansı tədbirləri görür?

- Qəza hadisəsi ilə bağlı Cinayət Məcəlləsinin 263.3-cü (yol hərəkəti qaydalarını pozma – iki və daha artıq şəxsin ölümünə səbəb olduqda) maddəsi ilə cinayət işi başlanıb, istintaq aparılır.

- Mətbuat yazır ki, qəzaya düşən avtomobilin sahibi yüksək vəzifəli məmurlardan birinin qohumudur və məlumatlara görə həmin şəxs özü də avtomobildə olub. Bu məlumatlarla bağlı nə deyərdiniz?

- Kimliyindən asılı olmayaraq bu hadisəni törədən, yəni qəza anında avtomobilin sükanı arxasında olan şəxs qanuna müvafiq olaraq məsuliyyətə cəlb olunacaq.



AFN.az
Redaksiyamızla əlaqə: tel; 055 260 69 84, e-mail afn.news@mail.ru




Diqqətinizi çəkə biləcək digər xəbərlər
Yağ niyə bahalaşır?-

Yağ niyə bahalaşır?- ARAŞDIRMA

ATMU Türkiyədə keçirilən beynəlxalq konqresdə təmsil olunub

ATMU Türkiyədə keçirilən beynəlxalq konqresdə təmsil olunub

Sahibkarlara qan udduran, rayonu cəhənnəmə çevirən, milyonluq villası olan icra başçısı

Sahibkarlara qan udduran, rayonu cəhənnəmə çevirən, milyonluq villası olan icra başçısı

ASGA sədri baş direktor müavini ilə görüşdü

ASGA sədri baş direktor müavini ilə görüşdü

Mənə görə, Əli Kərimlinin ağlı yoxdur-

Mənə görə, Əli Kərimlinin ağlı yoxdur- Rauf Arifoğlu

Ramil Səfərovdan Mübariz Mənsimova hədiyyə-

Ramil Səfərovdan Mübariz Mənsimova hədiyyə- FOTO

Murad MTRŞ-yə canlı efirdə cavab verəcək

Murad MTRŞ-yə canlı efirdə cavab verəcək

Aslan İsmayılov polisdə dindirilib

Aslan İsmayılov polisdə dindirilib

Azərbaycanda yeni beyin mərkəzi yaradıldı

Azərbaycanda yeni beyin mərkəzi yaradıldı

Bakıda 26 yaşlı gənc liftin şaxtasına düşərək ölüb

Bakıda 26 yaşlı gənc liftin şaxtasına düşərək ölüb

Ramil Usubov cinsi azlıqların saxlanılmasına münasibət bildirib

Ramil Usubov cinsi azlıqların saxlanılmasına münasibət bildirib

Vaqif Abdullayevin ad günü münasibətilə sahibkarlardan pul yığılıb?-

Vaqif Abdullayevin ad günü münasibətilə sahibkarlardan pul yığılıb?- ŞİKAYƏT

    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və baş redaktor Səbuhi Qafarov, baş direktor Həbibə Abdulla.
 

Copyright © 2012-2017 AFN.az Bu layihə AFN MMC məhsuludur