Nəsimi rayonunda zibil qutuları şagirdlərin yolunun üstünə qoyuldu- FOTOLAR

Xəbərin çap versiyası
Tarix: 17-10-2017, 15:30    |    Xəbər oxunub: 686 dəfə
Nəsimi rayonunda zibil qutuları şagirdlərin yolunun üstünə qoyuldu-


Bakının Nəsimi rayonunda, IV mikrorayon ərazisində Mirmahmud Kazımovski (keçmiş Cavadxan) və Hüseyn Seyidzadə küçələrindəki zibil qutuları sakinlərin ciddi narazılığına səbəb olub.



Həmin ərazidə yaşayan sakinlərdən birinin Report-a verdiyi məlumata görə, Mirmahmud Kazımovski küçəsində yerləşən bir neçə binanın sakinlərinin məişət tullantılarını atdıqları qutular əvvəlki yerindən götürülərək, marketlərdən birinin divarına bitişik qoyulub.

Bu da hər gün həmin ərzaq mağazasına getmək, yaxud da yaxınlıqdan keçmək istəyən vətəndaşları məişət tullantılarının üfunətli iyini ciyərlərinə çəkmək məcburiyyətində qoyur. Hətta insanlar zibil qutularından axan üfunətli sulara ayaq basaraq keçməli olur. Bu da mikrobların, bakteriyaların evlərə, sinif otaqlarına daşınmasına gətririb çıxarır.

Sakinin sözlərinə görə, hazırda ətraf ərzilərdəki kiçiktutumlu zibil qutuları da yığışdırıldığından məişət tulantılarının hamısı eyni yerə gətirilir. Nəticədə qutular qısa müddətdə dolub-daşır, zibillə dolu sellofan torbalar ətrafa dağılır. Bu da dözülməz vəziyyət yaradır.

Acınacaqlı mənzərə hər gün Hüseyn Seyidzadə küçəsində yerləşən Bakı şəhəri 5 saylı tam orta məktəbin ətrafında da müşahidə olunur. Zibil qutuları valideynlərin və şagirdlərin hər gün istifadə etdiyi giriş qapısının bir neçə metrliyində qoyulub. Nəticədə dərsə gedən azyaşlılar bu üfunətli havanı ciyərlərinə çəkmək məcburiyyətində qalırlar.

Məsələ ilə bağlı 65 saylı Mənzil-Kommunal İstismar Sahəsindən bildiriblər ki, zibil qutularının yeri Nəsimi Rayon İcra Hakimiyyətinin göstərişi ilə dəyişdirilib: “Onlar hara deyibsə, qutular da oraya qoyulub”.

Sahə rəisindən isə məsələyə münasibət öyrənmək mümkün olmayıb.

Səhiyyə Nazirliyi Gigiyena və Epidemiologiya Mərkəzinin Sanitariya-gigiyena şöbəsinin müdiri Ziyəddin Kazımov deyib ki, zibil qutularının yerləşdirilməsi müvafiq olaraq 40-100 metr məsafədə olmalıdır: “Bu məsələlər Nazirlər Kabinetinin 74 saylı qərarına əsasən tənzimlənir. Məişət tullantılarının əmələgəlmə yerlərində müvəqqəti saxlanılması üçün ayrılmış xüsusi sahələrdə aidiyyəti təşkilatlar tərəfindən metal tutumlarla təmin olunmuş meydançalar hazırlanmalıdır. Meydançalar tutumların sayına və həcminə uyğun olaraq tikilməlidir. Bu zaman tutumlara əhalinin və tullantı daşıyan avtomaşınların yaxınlaşmasının mümkünlüyü, digər nəqliyyat vasitələrinin və piyadaların hərəkətinə mane olmaması, meydançalardakı tutumlardan tullantıların küləklə sovrularaq ətraf ərazilərə yayılmaması, həyətlərdə uşaq meydançalarından və bağçalardan, məktəblərdən, sağlamlıq və istirahət zonalarından, mədəniyyət ocaqlarından, ictimai iaşə obyektlərindən və mağazalardan aralıda yerləşdirilməsi kimi şərtlər nəzərə alınmalıdır”.

Onun sözlərinə görə, ətraf mühitin mühafizəsi məqsədilə tullantıların yerləşdirildiyi tutumlar və meydançalar həmişə təmiz və səliqəli vəziyyətdə saxlanılmalıdır: “Hətta lazım gəldikdə, tutumlar yeniləri ilə əvəz olunmalı, meydançalar təmir edilməlidir. Müvafiq tələblərə cavab verməyən tutumlardan istifadə edilməməlidir. Tullantılar ancaq onlar üçün nəzərdə tutulmuş tutumlarda müvəqqəti saxlanılmalıdır. Tullantıların tutumlar qoyulmuş meydançadan kənarda yerləşdirilməsinə, yandırılmasına yol verilmir. Bütün meydan və küçələrdə, bağlarda, parklarda, şəhər nəqliyyatı dayanacaqlarında, metro girişlərində və s. ərazilərdə kommunal-təsərrüfat orqanları tərəfindən, vağzallarda, aeroportlarda, dəniz limanlarında, bazarlarda və digər yerlərdə isə bu təşkilatların rəhbərliyi tərəfindən kifayət qədər tutumlar (urnalar) qoyulmalıdır. Əhali çox olan yerlərdə tutumlar (urnalar) arasında məsafə 40 metrdən çox, əhali az olan yerlərdə isə bu məsafə 100 metrdən çox olmamalıdır. Tutumlar dolma həddindən asılı olmayaraq, sistematik təmizlənməlidir. Ticarət obyektləri tərəfindən obyektlərin yanında və onlara bitişik ərazilərdə tutumlar qoyulmuş sahələrə məhsul ehtiyatlarının yerləşdirilməsinə və anbarlaşdırılmasına yol verilmir”.

Nəsimi rayonunda zibil qutuları şagirdlərin yolunun üstünə qoyuldu-
Nəsimi rayonunda zibil qutuları şagirdlərin yolunun üstünə qoyuldu-
Nəsimi rayonunda zibil qutuları şagirdlərin yolunun üstünə qoyuldu-
Nəsimi rayonunda zibil qutuları şagirdlərin yolunun üstünə qoyuldu-
Nəsimi rayonunda zibil qutuları şagirdlərin yolunun üstünə qoyuldu-
Nəsimi rayonunda zibil qutuları şagirdlərin yolunun üstünə qoyuldu-
Nəsimi rayonunda zibil qutuları şagirdlərin yolunun üstünə qoyuldu-
Nəsimi rayonunda zibil qutuları şagirdlərin yolunun üstünə qoyuldu-




AFN.az
Redaksiyamızla əlaqə: tel; 055 260 69 84, e-mail afn.news@mail.ru




Diqqətinizi çəkə biləcək digər xəbərlər
Azərbaycan Silahlı Qüvvələrində yenilik

Azərbaycan Silahlı Qüvvələrində yenilik

Qənirə Paşayeva Sudan nümayəndə heyətilə görüşdə Qarabağ problemindən geniş bəhs edib

Qənirə Paşayeva Sudan nümayəndə heyətilə görüşdə Qarabağ problemindən geniş bəhs edib

Azərbaycanda təxminən 2 milyon 600 min uşaq var

Azərbaycanda təxminən 2 milyon 600 min uşaq var

"Qoca"nın qaçdığına görə həbs olunan komandirin yerinə yeni təyinat

ATMU-da “Rus dili həftəsi” keçirilib

ATMU-da “Rus dili həftəsi” keçirilib

Qüdrət Qurbanov BDT-nın 30-cu assambleyasının sessiyasında iştirak edəcək.

Qüdrət Qurbanov BDT-nın 30-cu assambleyasının sessiyasında iştirak edəcək.

“Bakcell”in dəstəyilə futzal turniri təşkil edilib

“Bakcell”in dəstəyilə futzal turniri təşkil edilib

Əli Həsənovun nəvəsi əsgərlikdə olmayıbmış

Əli Həsənovun nəvəsi əsgərlikdə olmayıbmış

Azərbaycanda avtomobillər bahalaşacaq-

Azərbaycanda avtomobillər bahalaşacaq- idxal rüsumu 75% artırılır

Bakıya sulu qar yağacaq

Bakıya sulu qar yağacaq

Yunanıstan sahillərində itmiş gəmi tapılıb

Yunanıstan sahillərində itmiş gəmi tapılıb

Avropa Xalq partiyası Qarabağla bağlı bəyannamə qəbul etdi

Avropa Xalq partiyası Qarabağla bağlı bəyannamə qəbul etdi

    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və baş redaktor Səbuhi Qafarov, baş direktor Həbibə Abdulla.
 

Copyright © 2012-2017 AFN.az Bu layihə AFN MMC məhsuludur