Ramzan Kadırov 104 yaşlı Mədinə Əliyevaya ev bağışladı
Bundan sonra atasız-anasız böyümüş Hacımuratov bacı-qardaşları – 22 yaşlı İslam, 18 yaşlı Həvva və 16 yaşlı İman 104 yaşlı kimsəsiz Mədinə Əliyeva ilə bir evdə yaşayacaq və ona həyan olacaqlar.
Virtualaz.org Çeçenistan mənbələrinə istinadən xəbər verir ki, bu gün respublikanın parlament sədri Məhəmməd Daudov və Çeçenistan müftisi Salah Mejiyev evin açarlarını yeni sahiblərinə təqdim ediblər.
Mənbə bildirir ki, Mədinə Əliyeva İordaniyada doğulub və yaşayıb. Ahıl yaşında vətəni Çeçenistana qayıtmaq fikrinə düşüb, lakin yolda qarət olunub. Virtualaz.org xəbər verir ki, bu qadının başına gələnlər barədə ilk olaraq bizim sayt xəbər vermişdi və bundan sonra həmin xəbərin əks-sədası Rusiyadan gəlmişdi. Bu günlərdə Mədinə Əliyeva Bakını tərk edərək, Ramzan Kadırovun təşəbbüsü ilə Çeçenistana yollanmışdı.
