Qazaxıstanda yanan avtobusun sahibi azərbaycanlı olub?- İDDİA
Qazaxıstanın Aktobe vilayətində yanmış avtobus Mehdiyev Orduxan Sabir oğluna məxsus olub. Onun azərbaycanlı olduğu iddia olunur.
Bu barədə NUR.kz portalı Qazaxıstanın İnvestisiya və İnkişaf Nazirliyinə istinadən məlumat yayıb.
Məlumata görə, Qazaxıstanda yanmış avtobusun sahibinin sərnişin daşımaları üçün müvafiq lisenziyası olmayıb. Yanan avtomobil 1989-cu ildə istehsal olunmuş “Setra” (alman) markalı avtobus olub.
“Avtobusun sahibi qeyri-müntəzəm sərnişin daşımaları üçün müvafiq lisenziya almayıb, çox güman ki, o, icarə müqaviləsi əsasında işləyib”, – deyə məlumatda qeyd olunur.
Avtobus sonuncu dəfə icbarı texniki baxışdan 2015-ci ilin avqust ayında keçib.
Xatırladaq ki, yanvarın 18-də Aktobe vilayətində yanan avtobusda 52 nəfər həlak olub.
