Dilçilik institutunun rəhbərləri “Dövlət dili” qanununu niyə təhrif edirlər?

Xəbərin çap versiyası
Tarix: 22-01-2018, 14:21    |    Xəbər oxunub: 774 dəfə
Dilçilik institutunun rəhbərləri “Dövlət dili” qanununu niyə təhrif edirlər?


“Azərbaycan dilinin orfoqrafiya qaydaları” layihəsində nəzərdə tutulan dəyişikliklərlə bağlı mediada və sosial şəbəkələrdə müzakirələr davam edir. Çoxları lüğətdəki son dəyişikliklərin Azərbaycan dilinin qayda-qanunlarına uyğun olmadığını, layihənin qəbul ediləcəyi halda sonu görünməyən mübahisələrə gətirib çıxaracağını bildirir. Bu dəyişmələrin zəruriliyi ilə bağlı dilçi-alimlərin arqumentlərini əssasız, linqvistik baxımdan qüsurlu sayan ziyalılar bir sıra bəndləri, xüsusən 37-ci bəndin müddəalarını layihədən çıxarmağı məqsədəuyğun hesab edirlər.

Son günlərdə qayda dəyişikliklərinin zərurətindən danışan Dilçilik İnstitutunun rəhbərləri bu məsələdə məsuliyyəti öz üzərlərindən atmağa və addımlarını “Azərbaycan Respublikasının Dövlət dili haqqında Qanunu” ilə əsaslandırmağa başlayıblar. Direktor Möhsün Nağısoylu İTV-nin səhər efirindəki çıxışında dəyişiklikləri adı çəkilən qanunla əlaqələndirməyə çalışıb. Onun müavini Baba Məhərrəmli isə bir az da dərinə gedərək bəzi saytlara verdiyi açıqlamasında deyib ki, “orfoqrafiyanın dəyişdirilməsi dövlət sifarişidir”. Bunu qanunla əsaslandıran B.Məhərrəmli əlavə edib ki, həmin qanunun 13-cü bəndinə əsasən, “orfoqrafiya lüğəti 5 ildən bir dəyişdirilməlidir. Yəni orfoqrafiya lüğətinin dəyişdirilməsi dövlətimizin qanunu ilə tənzimlənir. Dilçilik İnstitutu bu işi özbaşına həyata keçirə bilməz...”. Beləliklə, direktor müavini Dövlət dili haqqında qanunun müvafiq maddəsini ictimaiyyətə təhrif olunmuş şəkildə çatdırıb.

Bu məsələ ilə bağlı Moderator.az-ın sualını cavablandıran hüquqşünas Nigar Hüseynova bildirib ki, adı çəkilən və 2002-ci il 30 sentyabr tarixdən qüvvəyə minmiş “Azərbaycan Respublikasının Dövlət dili haqqında Qanun”un dil normalarından bəhs edən 13-cü maddəsi iki paraqrafdan ibarətdir.

"Birincidə deyilir ki, Azərbaycan dilinin orfoqrafiya və orfoepiya normaları müvafiq icra hakimiyyəti orqanı tərəfindən təsdiq edilir. Hüquqi, fiziki və vəzifəli şəxslər həmin normalara əməl etməlidirlər. 13.2-də isə göstərilir ki, müvafiq icra hakimiyyəti orqanı 5 ildə bir dəfədən az olmayaraq yazı dili normalarını təsbit edən lüğətin (orfoqrafiya lüğətinin) nəşr olunmasını təmin edir”.

Göründüyü kimi, qanunda söhbət dəyişməkdən yox, təsbit etməkdən, yəni fəaliyyətdə olan mövcud qaydaların düzgünlüyünü, sabitliyini təsdiqləyən lüğəti nəşr etməkdən gedir. Ona görə də məsuliyyəti qanunun üzərinə atmaq doğru deyildir və Dilçilik İnstitunun rəhbərliyi bunu mütləq ciddiyə almalıdır.





AFN.az
Redaksiyamızla əlaqə: tel; 070 372 99 90, e-mail [email protected]






Diqqətinizi çəkə biləcək digər xəbərlər
Rusiya Türkiyə aviaşirkətini 5,5 mln. rubl cərimə edib

Rusiya Türkiyə aviaşirkətini 5,5 mln. rubl cərimə edib

20 Yanvar faciəsindən 29 il ötür

20 Yanvar faciəsindən 29 il ötür

SOCAR-da son illərdə həyata keçirilən islahatlar açıqlanıb

SOCAR-da son illərdə həyata keçirilən islahatlar açıqlanıb

Azərbaycanda təcavüz qalmaqalı:

Azərbaycanda təcavüz qalmaqalı: Hakimdən bəraət, prokuror şikayətçidir-Təfərrüat

Dövlət Komitəsində 20 Yanvar faciəsinin ildönümü qeyd edilib-

Dövlət Komitəsində 20 Yanvar faciəsinin ildönümü qeyd edilib- FOTOLAR

Bakıda narkotik satan mütəşəkkil şəbəkə ifşa edilib-

Bakıda narkotik satan mütəşəkkil şəbəkə ifşa edilib- FOTOLAR

Bakıda müxalifətin mitinqi başlayıb

Bakıda müxalifətin mitinqi başlayıb

Ümumxalq hüzn günü münasibəti ilə qanvermə aksiyası keçirilib-

Ümumxalq hüzn günü münasibəti ilə qanvermə aksiyası keçirilib- FOTOLAR

İlham Əliyev Zimbabve prezidenti ilə görüşüb-

İlham Əliyev Zimbabve prezidenti ilə görüşüb- FOTOLAR

Daxili İşlər Nazirliyinin bəzi funksiyaları əlindən alınıb?-

Daxili İşlər Nazirliyinin bəzi funksiyaları əlindən alınıb?- Açıqlama

Məcburi köçkün uşaqları üçün Kodlaşdırma üzrə İntensiv Tədris Düşərgəsinə seçimlər başa çatıb

Məcburi köçkün uşaqları üçün Kodlaşdırma üzrə İntensiv Tədris Düşərgəsinə seçimlər başa çatıb

ASCO 20 Yanvar faciəsinə həsr olunan “Azadlıqla bitən SOS” adlı sənədli film hazırlayıb-

ASCO 20 Yanvar faciəsinə həsr olunan “Azadlıqla bitən SOS” adlı sənədli film hazırlayıb- VİDEO

    Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.
    Təsisçi və baş redaktor Səbuhi Qafarov, baş direktor Həbibə Abdulla.
 

Copyright © 2012-2017 AFN.az Bu layihə AFN MMC məhsuludur